vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

ក្រពើពេជ្ឈឃាត

សត្វក្រពើដ៏ធំមួយក្បាល ត្រូវបានមនុស្សប្រទះឃើញខាំពាំសត្វគោដ៏ធំមួយក្បាល ហែលកណ្តាលទន្លេ នៅក្នុងប្រទេសអូស្ត្រាលី កាលពីដើមសប្តាហ៍កន្លងទៅ សកម្មភាពដ៏កម្រនេះ ថតបានដោយយន្តហោះប្រភេទ Drone។

kh1
សត្វក្រពើដ៏ធំមួយក្បាលនេះ អាចមានប្រវែងពី៥ ទៅ៦ម៉ែត្រ រស់នៅក្នុងតំបន់ Kimberly ភាគខាងលិចប្រទេសអូស្ត្រាលី។


មនុស្សមួយចំនួន ដែលបានឃើញសត្វក្រពើនេះ បានហៅវាថា ក្រពើពេជ្ឈឃាត និងអ្នកខ្លះហៅថា ក្រពើបិសាច។ ទោះបីសកម្មភាពនេះ បង្ហាញពីភាពសាហាវក្តី ក៏ប៉ុន្តែមិនមានចំណាត់ការអ្វីឡើយ ដោយការបកស្រាយខ្លះបង្ហាញថា នេះគឺជាធម្មជាតិនៃជីវិតសត្វ៕

 

ស្រោចទឹកខ្លួនឯង

បុរសវ័យក្មេងជនជាតិចិនម្នាក់ បានធ្វើឲ្យអ្នកដំណើរជាច្រើននាក់ផ្សេងទៀត ងាកទៅមើលសកម្មភាពរបស់គាត់។

2
អ្វីដែលគួរឲ្យចាប់អារម្មណ៍គឺ បុរសរូបនេះ បានស្ពាយធុងទឹកភ្ជាប់ផ្កាឈូកពីក្រោយ ស្រោចទឹកលើក្បាលបណ្តើរ ឈររង់ចាំរថយន្តក្រុងបណ្តើរ ដោយសារតែអាកាសធាតុក្តៅខ្លាំងពេក។


រឿងរ៉ាវនេះ កើតមានឡើងនៅខេត្ត Chongqing ប្រទេសចិន។ សូមបញ្ជាក់ថា នៅក្នុងខេត្ត Chongqing នាខែនេះ អាកាសធាតុមានកំដៅ៣៨អង្សា៕

លោកយាយម្នាក់ នៅតែមានកំលាំងតោងឡើងរបាដែក

លោកយាយជនជាតិចិនម្នាក់ បានធ្វើឲ្យមនុស្សជាច្រើននាក់ភ្ញាក់ផ្អើល កាលពីថ្ងៃម្សិលម៉ិញនេះ។


លោកយាយបានតោងឡើងរបាដែកពីមួយទៅមួយ ដែលមាននៅក្នុងសួនសាធារណៈមួយកន្លែង នៅក្នុងប្រទេសចិន។

1
សកម្មភាពរបស់លោកយាយ ត្រូវបានមនុស្សជាច្រើនចោមរោមមើល និងថតជាវីដេអូ បង្ហោះ ចូលទៅក្នុងគេហទំព័រ You Tube ពេលនេះសូម្បីតែអ្នកប្រើប្រាស់ប្រព័ន្ធអ៊ីធឺណិតក៏ចាប់អារម្មណ៍ដែរ៕

 

រត់ប្រណាំងផ្លែធុរេន

មនុស្សជាង៥០០នាក់ បាននាំគ្នាចូលរួមរត់ប្រណាំងចម្ងាយ៥គីឡូម៉ែត្រ ដោយក្នុងដៃមានកាន់ផ្លែធុរេន ក្នុងព្រឹត្តិការណ៍មនុស្សធម៌មួយ ដែលបានធ្វើឡើងកាលពីថ្ងៃម្សិលម៉ិញនេះ នៅប្រទេសសឹង្ហបុរី។

p8
ព្រឹត្តិការណ៍នេះ តំរូវឲ្យអ្នកចូលរួមទាំងអស់ ត្រូវយកផ្លែធុរេតាមខ្លួនម្នាក់មួយផ្លែ ម្នាក់មួយផ្លែ ដោយអ្នកខ្លះបានកាន់ យូរ និងស្ពាយជាដើម ហើយនៅពេលរត់ប្រណាំងចប់ ពួកគេនឹងបានញុំផ្លែធុរេនទាំងនេះ ដោយសមាជិកនៃអ្នករៀបចំកម្មវិធី បានត្រៀមកាំបិត សម្រាប់ពុះផ្លែធុរេនរួចជាស្រេច។។


ព្រឹត្តិការណ៍នេះ ធ្វើឡើងដើម្បីរៃអង្គាសប្រាក់ ជួយអភិវឌ្ឍន៍មូលនិធិសង្គ្រោះ ដោយអ្នកចូលរួមរត់ប្រណាំងទាំងអស់ ត្រូវទិញសំបុត្រម្នាក់មួយសន្លឹកក្នុងតម្លៃ១១ដុល្លារ។


ចំពោះសំបុត្រដែលទិញរួច ត្រូវបំពេញឈ្មោះ ដាក់ចូលទៅក្នុងធុងឆ្នោត ដើម្បីទទួលបានផ្លែធុរេន Mao Shan Wang ដែលជាប្រភេទធុរេនលេខ១ របស់ប្រទេសម៉ាឡេស៊ី។


សូមបញ្ជាក់ថា នៅប្រទេសសឹង្ហបុរី មានការហាមឃាត់ជាសាធារណៈ មិនឲ្យយកផ្លែធុរេនចូលទៅក្នុងសណ្ឋាគារជាដាច់ខាត៕

https://www.youtube.com/watch?v=F0WlpU5s5yc

ពពែមុខអាក្រក់បំផុត

កូនពពែមួយក្បាល កើតមកមានមុខអាក្រក់ខុសពីពពែដ៏ទៃទៀត បច្ចុប្បន្នរស់នៅក្នុងកសិដ្ឋានមួយកន្លែង ក្នុងតំបន់ San Luis ប្រទេសអាហ្សង់ទីន។

p6
អ្នកស្រី Gladys Oveido ជាម្ចាស់កសិដ្ឋានខាងលើនិយាយថា គាត់ពិតជាភ្ញាក់ផ្អើលខ្លាំងណាស់ នៅពេលឃើញកូនពពែមួយក្បាលនេះកើតមក មានភ្នែកលានធំៗ មាត់ និងច្រមុះខ្មួរចូលក្នុង ខុសពីពពែជាច្រើនក្បាលផ្សេងទៀត។

p7
វីដេអូនេះ ថតដោយកូនស្រីរបស់គាត់ បច្ចុប្បន្នវីដេអូកូនពពែមុខអាក្រក់នេះ ត្រូវបានបណ្តាញព័ត៌មានក្នុងតំបន់ចុះផ្សាយ ហើយក្រោយៗមក ត្រូវបានអ្នកប្រើប្រាស់ប្រព័ន្ធអ៊ីធឺណិតចែករំលែកតៗគ្នាយ៉ាងសុះសាយ៕

 

ថង់ក្រណាត់របស់លោក Neil Armstrong មានតម្លៃជិត២លានដុល្លារ

ថង់ក្រណាត់ពណ៌ស ដែលអាវកាសយានិក លោក Neil Armstrong យកទៅសម្រាប់ដាក់កំទេចធូលី នៅលើឋានព្រះច័ន្ទ ចុះមកផែនដីនោះ ត្រូវបានក្រុមហ៊ុន Sotheby យកមកដាក់លក់ដេញថ្លៃ កាលពីថ្ងៃម្សិលម៉ិញនេះ ក្នុងតម្លៃដល់ទៅ១.៨លានដុល្លារ នៅទីក្រុង New York។

m4
ថង់ក្រណាត់នេះ ត្រូវបានរក្សាទុកក្នុងប្រអប់ នៅមជ្ឈមណ្ឌលអាវកាស Johnson ក្នុងទីក្រុង Houston រដ្ឋ Texas សហរដ្ឋអាមេរិក ហើយការលក់ដេញថ្លៃនេះ ចាប់ផ្តើមដំបូងពីតម្លៃ១.៥លានដុល្លារ។

m3
តំណាងក្រុមហ៊ុន Sotheby ឲ្យដឹងថា គាត់មិនអាចប្រាប់ព័ត៌មានទាក់ទងនឹងអ្នកទិញយកថង់ក្រណាត់នេះទេ។


សូមបញ្ជាក់ថា លោក Neil Armstrong គឺជាអាវកាសយានិកដំបូងគេក្នុងពិភពលោក ដែលបានឡើងទៅដល់ឋានព្រះច័ន្ទ កាលពីថ្ងៃទី២០ ខែកក្កដា ឆ្នាំ១៩៦៩ ហើយបានចុះមកកាន់ផែនដីវិញ ដោយសុវត្ថិភាព៕

កូនសុនខពណ៌បៃតង

ពិតជារឿងចម្លែកខ្លាំងណាស់ កូនសុនខមួយក្បាល កើតមកមានពណ៌បៃតងចម្លែកខុសពី សុនខរួមផ្ទៃផ្សេងៗទៀត រឿងរ៉ាវនេះ បានកើតឡើងនៅក្នុងប្រទេសអង់គ្លេស។

m2
ម្ចាស់សុនខខាងលើ បានបង្ហាញអារម្មណ៍នឹកស្មានមិនដល់ ដែលសុនខរបស់គាត់កើតបានកូនពណ៌បៃតងបែបនេះ។

m1
មេសុនខបៃតងនេះ ឈ្មោះ Rio អាយុ៣ឆ្នាំ កើតបានកូនចំនួន៩ក្បាល កាលពីសប្តាហ៍មុន ប៉ុន្តែកូនសុនខមួយក្បាលក្នុងចំណោមនោះមានពណ៌បៃតងរលោងចម្លែកខុសគេ។


កូនសុនខពណ៌បៃតងរលោងនេះ ជាសុនខឈ្មោល ត្រូវបានម្ចាស់ដាក់ឈ្មោះថា Forest៕

ក្រដាសដែលប្រើប្រាស់រួច អាចប្រើបាន៨០ដងទៀត

v12

អ្នកវិទ្យាសាស្ត្រនៅក្នុងរដ្ឋ California បង្កើតបានក្រដាសមួយប្រភេទ ដែលអាចប្រើប្រាស់បាន​៨០ដង សម្រាប់ការព្រីនដោយទឹកថ្នាំ។


យោងតាមរបាយការណ៍ភ្នាក់ងារបរិយស្ថាននៅសហរដ្ឋអាមេរិកឲ្យដឹងថា ក្នុងមួយឆ្នាំ ប្រទេស​នេះ​បានប្រើប្រាស់ក្រដាសសម្រាប់ព្រីនអស់​ចំនួន៧០លានតោន ទស្សនា​វដ្ដី​ចំនួន៣៥០លាន​តោន និងកាសែតចំនួន២៤លានតោន។ ក្រដាសសម្រាប់ព្រីនបានច្រើនជាង៨០ដងនេះ គឺជា​ដំណោះស្រាយដ៏ល្អបំផុត។


ដោយឡែកអ្នកគីមីវិទ្យា នៅសាកលវិទ្យាល័យ California សង្ឃឹមថា បច្ចេកវិទ្យាថ្មីនេះ នឹង​ជួយ​កាត់បន្ថយ បរិមាណនៃការប្រើប្រាស់ក្រដាស៕

អ្នកលក់គ្រឿងញៀនម្នាក់ ប្តឹងប៉ូលីសពេលចោរលួចគ្រឿងញៀនរបស់ខ្លួន

v11

ប៉ូលីសក្នុងរដ្ឋ Florida បាននិយាយកាលពីថ្ងៃម្សិលម៉ិញថា មានបុរសជាអ្នកលក់​គ្រឿងញៀន​ម្នាក់ បានទូរស័ព្ទប្តឹងប៉ូលីស បន្ទាប់ពីមានចោរលួចសារធាតុញៀនប្រភេទ cocaine នៅក្នុង​រថយន្ត​របស់គេ។


មន្ត្រីប៉ូលីសក្នុងទីក្រុង Okaloosa បានឲ្យដឹងថា បុរសអ្នកលក់គ្រឿងញៀនរូបនេះឈ្មោះ David Blackmon អាយុ៣២ឆ្នាំ បានទូរស័ព្ទប្តឹងប៉ូលីសថា មានចោរចូលលួច cocaine នៅក្នុង​រថយន្តរបស់គេ។


នៅទីបំផុត Blackmon ត្រូវបានឃាត់ខ្លួននៅកន្លែងផ្សេងមួយទៀត រួមនឹងគ្រឿងញៀនប្រភេទ cocaine មួយចំនួន ដែលរក្សារទុកដោយប្រពន្ធរបស់គេ៕

ប្រទេសធំៗចំនួន៥ បំបែកឯតទគ្គកម្មពិភពលោកសម្លៀកបំពាក់តុក្កតា Emoji

v4

តំណាងកំណត់ត្រាពិភពលោក Guinness និយាយថា មនុស្សចំនួន៥៣១នាក់ នៅក្នុងប្រទេស​ចំនួន៥ បានបំបែកឯតទគ្គកម្មពិភពលោក កាលពីថ្ងៃទី១៨កន្លងទៅនេះ ដោយស្លៀកសម្លៀក​បំពាក់តុក្កតា Emoji។


ព្រឹត្តិការណ៍នេះ រៀបចំឡើងដោយក្រុមហ៊ុនផលិតកម្មវិធីកំសាន្ត Sony Pictures ដើម្បីផ្សព្វ​ផ្សាយ​ភាពយន្តថ្មី ដែលមានចំណងជើងថា The Emoji។ ចំពោះប្រទេសចំនួន៥ ដែលចូលរួម​បំបែកឯតទគ្គកម្មពិភពលោកនៅពេលនេះមាន ប្រទេសអេមីរ៉ាត់អារ៉ាប់រួម, អង់គ្លេស, អាឡឺម៉ង់ រុស្សី និងប្រេស៊ីល។


លោក Josh Greenstein តំណាងក្រុមហ៊ុន Sony Pictures ជាសកលនិយាយថា Emoji ត្រូវបានមនុស្សជុំវិញពិភពលោកស្គាល់ ហើយវាក៏បានធ្វើឲ្យអ្នកទាំងអស់នោះ ទទួលយក និងបង្ហាញអារម្មណ៍ផ្សេងៗរបស់ខ្លួន នៅក្នុងបញ្តាញទំនាក់ទំនងបច្ចេកវិទ្យាផងដែរ៕

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


ប្លែកៗ

ប្លែកៗ

ប្លែកៗ

ប្លែកៗ

ប្លែកៗ

ប្លែកៗ

ប្លែកៗ

ប្លែកៗ

ប្លែកៗ

ប្លែកៗ

ប្លែកៗ

ប្លែកៗ

ព័ត៌មានជាតិ​ពេល​យប់​


ប្លែកៗ

ប្លែកៗ

ប្លែកៗ

ប្លែកៗ

ប្លែកៗ

ប្លែកៗ

ប្លែកៗ

ប្លែកៗ

ប្លែកៗ

ប្លែកៗ

ប្លែកៗ

ប្លែកៗ

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

idol-2

 

killer-2

 

singer

GreenICT Technology Co., Ltd

gps-new

verte2