vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

អាជ្ញាធរអេក្វាទ័រ ឃាត់បាន នាវាដឹកត្រីឆ្លាមនិងត្រីជិតផុតពូជរាប់រយតោន

v2

អេក្វាទ័រ៖ អាជ្ញាធរអេក្វាទ័រ ឃាត់បាននាវាមួយគ្រឿងដែលដឹកសុទ្ធតែត្រីឆ្លាមនិងត្រីជិតផុតពូជទម្ងន់រាប់រយតោន នៅក្បែរកោះ Galapagos។


យោងតាមអាជ្ញាធរអេក្វាទ័របានឲ្យដឹងថា នាវានេះឃាត់បានកាលពីម្សិលមិញ ដោយទំនងជាមានប្រភពចេញពីប្រទេសមួយនៅតំបន់អាស៊ី ហើយថាក្នុងចំណោមត្រីសមុទ្រដែលរកឃើញនៅលើនាវានេះ មានត្រីឆ្លាមប្រភេទក្បាលញញួរ និងត្រីជិតផុតពូជមួយចំនួនទៀត។


រីឯអ្នកគ្រប់គ្រងឧស្យានជាតិ Galapagos បានលើកឡើងថា ត្រីឆ្លាមនិងត្រីជិតផុតពូជដែលរកឃើញទាំងនេះ មានទម្ងន់សរុបប្រហែល៣០០តោនឯណោះ។


អ្នកគ្រប់គ្រងឧស្យានជាតិដដែលនេះ បានឲ្យដឹងបន្តថា ឥឡូវអាជ្ញាធរអេក្វាទ័រ កំពុងបើកការស៊ើបអង្កេតហើយដើម្បីរកឲ្យឃើញថា តើត្រីសមុទ្រទាំងនេះមានប្រភពចេញពីណាមក ហើយមានបំណងដឹកយកទៅណា។


នៅលើនាវាដែលឃាត់បាននេះ មានមនុស្ស២០នាក់ ហើយពួកគេនឹងប្រឈមការកាត់ទោសឲ្យជាប់ពន្ធនាគារបីឆ្នាំពីបទបំផ្លិចបំផ្លាញបរិស្ថាន៕

កូរ៉េខាងជើងផ្អាកផែនការបាញ់មីស៊ីលរំលងទ្វីបទៅក្បែរដែនកោះ Guam ខណៈដល់ពេលកំណត់

v1

ក្រុងព្យុងយ៉ាង៖ ប្រទេសកូរ៉េខាងជើងបានផ្អាកផែនការបាញ់មីស៊ីលរំលងទ្វីបទៅក្បែរដែនកោះ Guam ដោយលើកឡើងពីមូលហេតុថា ទុកពេលតាមដានសកម្មភាពរបស់សហរដ្ឋអាមេរិកបន្តិចទៀតសិន មុននឹងធ្វើការសម្រេចចិត្តណាមួយ។


ប្រទេសកូរ៉េខាងជើងបានលើកឡើងកាលពីសប្តាហ៍មុនថា ខ្លួននឹងបាញ់មីស៊ីលរំលងទ្វីបចំនួនបួនគ្រាប់មកក្បែរដែនកោះ Guam ដោយហោះរំលងពីលើប្រទេសជប៉ុននៅពាក់កណ្តាលខែនេះ ប្រសិនបើលោក គីម ជុងអ៊ុនបើកភ្លើងខៀវ។


លោក គីម ជុងអ៊ុន ដែលបានចុះពិនិត្យកងទ័ពរបស់ខ្លួនកាលពីម្សិលមិញ បានសិក្សាលើផែនការនេះជាយូរមកហើយ ហើយក៏បានពិភាក្សាជាមួយមន្ត្រីយោធាជាន់ខ្ពស់ជាច្រើនលើកហើយដែរ នេះបើយោងតាមទីភ្នាក់ងារព័ត៌មាន KCNA ជាហេតុធ្វើឲ្យកើតមានចម្ងល់ថា តើហេតុអ្វីបានជាកូរ៉េខាងជើងលើកឡើងថា ខ្លួនត្រូវការពេលដើម្បីតាមដានសកម្មភាពរបស់សហរដ្ឋអាមេរិកបន្តិចទៀតសិន មុនពេលធ្វើការសម្រេចចិត្តណាមួយនោះ។


ការប្រកាសផែនការបាញ់មីស៊ីលរបស់កូរ៉េខាងជើងមកក្បែរដែនកោះ Guam បានធ្វើឲ្យកម្តៅនៃភាពតានតឹងកើនឡើងយ៉ាងខ្លាំងកាលពីសប្តាហ៍មុន ដល់ថ្នាក់ធ្វើឲ្យលោក ដូណាល់ ត្រាំ ឆេះដុំនិងព្រមានខ្លាំងៗថា នឹងឲ្យប្រទេសប្រទេសនេះភ្លក់រស់ជាតិនៃការវាយប្រហារដែលពិភពលោកមិនធ្លាប់ឃើញពីមុនមក បើកូរ៉េខាងជើងនៅតែគំរាមវាយប្រហារសហរដ្ឋអាមេរិកតទៅមុខទៀត។


មុនពេលកូរ៉េខាងជើងប្រកាសផ្អាកផែនការបាញ់មីស៊ីលរំលងទ្វីបនៅក្នុងថ្ងៃអង្ការនេះ មន្ត្រីកូរ៉េខាងត្បូងនិងសហរដ្ឋអាមេរិកបានព្យាយាមធ្វើយ៉ាងណាកុំឲ្យពិភពលោកព្រួយបារម្ភ ដោយលើកឡើងថា ទោះបីជា កូរ៉េខាងជើងបាញ់មីស៊ីលរំលងទ្វីបក៏ដោយក្តី តែវាគ្មានអ្វីត្រូវភ្ញាក់ផ្អើលទេ ព្រោះនេះមិនមែនជារឿងថ្មីឡើយ។

 

ទោះជាយ៉ាងណា លោក គីម ជុងអ៊ុន បានប្រាប់ឲ្យកងទ័ពរបស់លោកត្រៀមខ្លួនរួចហើយ ពោលគឺនៅរង់ចាំតែបញ្ជារបស់លោកប៉ុណ្ណោះ នេះបើយោងតាមការបញ្ជាក់បន្ថែមពីទីភ្នាក់ងារព័ត៌មាន KCNA ៕

តួលេខអ្នកស្លាប់ដោយសារទឹកជំនន់និងការបាក់ដីនៅនេប៉ាល់កើនឡើងដល់៤៩នាក់

នេប៉ាល់៖ តួលេខនៃអ្នកស្លាប់ដោយសារទឹកជំនន់និងការបាក់ដី ក្រោយភ្លៀងធ្លាក់យ៉ាងជោគជាំរយៈពេលបីថ្ងៃមកនេះនៅក្នុងប្រទេសនេប៉ាល់ បានកើនឡើងរហូតដល់៤៩នាក់។


យោងតាមមន្ត្រីទទួលបន្ទុកផ្នែកទប់ស្កាត់និងគ្រប់គ្រងគ្រោះមហន្តរាយនេប៉ាល់បានឲ្យដឹងថា ភ្លៀងធ្លាក់ជោគជាំនេះ ដែលវាយប្រហារតំបន់ទំនាបភាគខាងត្បូង បានធ្វើអោយពលរដ្ឋ៥ពាន់នាក់ ត្រូវភៀសខ្លួនទៅកាន់ទីទួលមានសុវត្ថិភាព ហើយថា តួលេខនៃអ្នកស្លាប់ដែលកើនឡើងដល់៤៩នាក់អាចកើនឡើងទៀតដោយមានមនុស្សជិត៤០នាក់ទៀតកំពុងបាត់ខ្លួននិង១៧នាក់ផ្សេងទៀតរងរបួស។


មន្ត្រីនេប៉ាល់បានឲ្យដឹងបន្តថា ឥឡូវទាហាននិងនគរបាលកំពុងបន្តប្រតិបត្តិការសង្គ្រោះនិងរុករកយ៉ាងសកម្ម ខណៈមានផ្ទះជាង៣៤.០០០ខ្នង បានរងការជន់លិច។


កាកបាទក្រហមនេប៉ាល់បានធ្វើការប៉ាន់ស្មានថា មានមនុស្សចំនួនប្រហែល១០ម៉ឺននាក់បានរងផលប៉ះពាល់ដោយសារទឹកជំនន់និងការបាក់ដីនេះ ហើយបណ្តាញទូរគមនាគមន៍ និងអគ្គិសនីត្រូវបានកាត់ផ្តាច់នៅក្នុងតំបន់ភាគច្រើន។


សូមបញ្ជាក់ផងដែរថា ភ្លៀងមូសុងដែលបានចាប់ផ្តើមកាលពីខែមិថុនា នឹងបន្តរហូតដល់ខែកញ្ញាដែលជារដូវសំខាន់សំរាប់កសិករនេប៉ាល់ តែក៏ជាមូលហេតុដែលធ្វើមានគ្រោះមហន្តរាយជារៀងរាល់ឆ្នាំផងដែរ៕

v22

v23

១៣នាក់ស្លាប់និងរាប់សិបម៉ឺននាក់រងផលប៉ះពាល់ដោយសារទឹកជំនន់នៅបង់ក្លាដែស

v21

បង់ក្លាដែស៖ មនុស្សយ៉ាងតិច ១៣នាក់បានស្លាប់និងរាប់សិបម៉ឺននាក់ផ្សេងទៀតរងផលប៉ះពាល់ដោយសារទឹកជំនន់នៅភាគខាងជើងប្រទេសបង់ក្លាដែស។


យោងតាមប្រព័ន្ធផ្សព្វផ្សាយក្នុងស្រុកមួយនៅក្នុងប្រទេសបង់ក្លាដែសបានរាយការណ៍ថា ទឹកជំនន់ដ៏ខ្លាំងក្លាដែលបណ្តាលឲ្យមនុស្សយ៉ាងតិច១៣នាក់បានបាត់បង់ជីវិតនេះ គឺបណ្តាលមកពីភ្លៀងធ្លាក់យ៉ាងជោគជាំនៅក្នុងស្រុកចំនួន១០ នាភាគខាងជើងប្រទេសកាលពីម្សិលមិញ ហើយថា ឥឡូវនេះទឹកកំពុងហូរបុកទៅកាន់ភាគកណ្តាលហើយ។


មជ្ឈមណ្ឌលទប់ស្កាត់និងព្យាករទឹកជំនន់ជាតិបង់ក្លាដែសបានឲ្យដឹងថា ប្រសិនបើភ្លៀងនៅតែបន្តធ្លាក់រហូតដល់ចុងខែនេះ នឹងមានសុ្រកយ៉ាងតិច២៥ទូទាំងប្រទេសត្រូវរងការលិចលង់រហូតដល់ខែកញ្ញា។


មជ្ឈមណ្ឌលដដែលនេះបានឲ្យដឹងបន្តថា មានមនុស្សយ៉ាងតិច៧នាក់បានស្លាប់នៅក្នុងស្រុក Dinajpur និង៦នាក់ផ្សេងទៀត នៅក្នុងស្រុក Kurhigram ហើយថានៅក្នុងស្រុក Kurhigram នេះតែមួយគត់ មានពលរដ្ឋរហូតដល់ទៅ៦ម៉ឺននាក់ឯណោះបានរងផលប៉ះពាល់។


សូមបញ្ជាក់ថា ប្រទេសបង់ក្លាដែសជួបគ្រោះទឹកជំនន់ធ្ងន់ធ្ងរបំផុតនៅក្នុងឆ្នាំ១៩៩៨ ជាពេលដែលផ្ទៃដី៦៨ភាគរយនៃផ្ទៃដីទូទាំងប្រទេសបានរងផលប៉ះពាល់៕

រុស្ស៊ីគ្រោងបង្វឹកឲ្យស្ត្រីក្លាយជាអ្នកបើកយន្តហោះចម្បាំងជាលើកដំបូង

v18

រុស្ស៊ី៖ ប្រទេសរុស្ស៊ីគ្រោងបង្វឹកឲ្យស្ត្រីក្លាយជាអ្នកបើកយន្តហោះចម្បាំងជាលើកដំបូងចាប់តាំងពីសង្គ្រាមលោកលើកទីពីរមក។


លោក Sergei Shoigu រដ្ឋមន្ត្រីក្រសួងការពារជាតិរុស្ស៊ី បានលើកឡើងថា គម្រោងនេះត្រូវបានប្រកាស បន្ទាប់ពីយោធារុស្ស៊ីទទួលបានលិខិតពីស្ត្រីរាប់រយនាក់ដែលបង្ហាញពីចំណាប់អារម្មណ៍ចុះឈ្មោះធ្វើជាអ្នកបើកយន្តហោះចម្បាំង។


លោក Sergei Shoigu បានឲ្យដឹងបន្តថា ឥឡូវយោធារុស្ស៊ីទទួលបានស្ត្រី១៥នាក់ដំបូងហើយ ហើយថា ពួកគេនឹងចាប់ផ្តើមហ្វឹកហាត់នៅខែតុលាខាងមុខនេះ។


អំឡុងសង្គ្រាមលោកលើកទីពីរ ស្ត្រីបើកបរយន្តហោះចម្បាំងជនជាតិរុស្ស៊ី ត្រូវបានចាត់ទុកថា ជា “សត្វស្ទាំំងរបស់ Stalin” រីឯប្រទេសអាល្លឺម៉ង់ហៅថា “មេធ្មប់រាត្រី”។


ស្ត្រីអ្នកបើកបរយន្តហោះចម្បាំងជំនាន់ថ្មីនេះ នឹងត្រូវបង្វឹកនៅសាលាកងទ័ពអាកាស Krasnodar ដែលមានទីតាំងនៅភាគខាងត្បូងប្រទេសរុស្ស៊ី។


យោងតាមទីភ្នាក់ងារព័ត៌មាន Tass ដែលគ្រប់គ្រងដោយរដ្ឋាភិបាលរុស្ស៊ីបានឲ្យដឹងថា សាលាកងទ័ពអាកាស Krasnodar នេះ ទទួលយកស្ត្រីតាំងពីឆ្នាំ២០០៩ មកម្ល៉េះ ប៉ុន្តែមិនមែនទទួលយកមកបង្វឹកឲ្យក្លាយជាអ្នកបើកបរយន្តចម្បាំងនោះទេ៕

កាតូលិកសាសនិកនៅលើកោះ Guam នាំគ្នាបួងសួងសុំសន្តិភាព ស្របពេលកូរ៉េខាងជើងគំរាមបាញ់មីស៊ីល

v4

ដែនកោះ Guam ៖កាតូលិកសាសនិកនៅលើកោះ Guam នាំគ្នាបួងសួងសុំសុខសន្តិភាព ស្របពេលផែនការគំរាមបាញ់មីស៊ីលរបស់កូរ៉េខាងជើងជិតដល់ពេលកំណត់។


ទីភ្នាក់ងារព័ត៌មាន KCNA ដែលជាទីភ្នាក់ងារព័ត៌មានគ្រប់គ្រងដោយរដ្ឋាភិបាលក្រុងព្យុងយ៉ាង បានរាយការណ៍កាលពីថ្ងៃព្រហស្បតិ៍សប្តាហ៍មុនថា កងទ័ពរបស់ខ្លួននឹងអនុវត្តតាមផែនការបាញ់គ្រាប់មីស៊ីលរំលងទ្វីបចំនួនបួនគ្រាប់ដោយហោះពីលើប្រទេសជប៉ុនមកធ្លាក់ក្បែរដែនកោះ Guam បើលោកគីម ជុងអ៊ុនបើកភ្លើងខៀវ។


ដោយមើលឃើញពេលកំណត់កាន់តែខិតជិតមកដល់ កាតូលិកសាសនិកជាច្រើននាក់បាននាំគ្នាមកកាន់ព្រះវិហារ Saint Anthony ដើម្បីបួងសួងសុំសុខសន្តិភាព និងឲ្យអ្វីៗកន្លងផុតទៅដោយគ្មានបញ្ហាកើតឡើង។


កាតូលិកសាសនិកម្នាក់ឈ្មោះ Elizabeth Cena បាននិយាយកាលពីម្សិលមិញថា ដោយសារពួកគាត់មិនដឹងថា អ្វីនឹងកើតឡើងឲ្យពិតប្រាកដ ហេតុដូច្នេះអ្វីដែលល្អបំផុតនឹងត្រូវធ្វើក្នុងពេលនេះគឺមានតែបួងសួងសុំសេចក្តីសុខទេ ហើយថាពលរដ្ឋនៅលើដែនកោះ Guam តាមដានព័ត៌មានជាប់ជានិច្ច។


ប៉ុន្តែលោក James Benavente គ្រូគង្វាលនៅព្រះវិហារ Saint Anthony នេះ បានព្យាហាមប្រាប់អ្នកមកបួងសួងកុំឲ្យភ័យ ហើយសូមមានជំនឿចិត្តលើព្រះយេស៊ូទាំងអស់គ្នា។


ស្របពេលដំណាលគ្នានេះ ប្រធានទីភ្នាក់ងារ CIA របស់សហរដ្ឋអាមេរិកក៏បានលើកឡើងផងដែរថា ថ្វីបើកម្មវិធីនុយគ្លេអ៊ែររបស់កូរ៉េខាងជើងរីកចម្រើនយ៉ាងឆាប់រហ័សក៏ពិតមែន ប៉ុន្តែការបាញ់សាកល្បងមីស៊ីលសាជាថ្មីទៀត គ្មានអ្វីត្រូវភ្ញាក់ផ្អើលទេ។


ទោះជាយ៉ាងណាលោក បានព្រមានថា ភាពអត់ធ្មត់របស់រដ្ឋាភិបាលក្រុងវ៉ាស៊ីនតោនលែងមានទៀតហើយ។


រីឯលោក ដូណាល់ ត្រាំ ក៏បានធ្វើការព្រមានបន្តទៀតផងដែរថា កូរ៉េខាងជើងនឹងជួប “បញ្ហាធំ” បើអនុវត្តតាមផែនការបាញ់ស៊ីលរំលងទ្វីប៕

១៧នាក់ស្លាប់ ៨នាក់រងរបួសក្នុងការវាយប្រហារលើភោជនីយដ្ឋានមួយនៅបួគីណាហ្វាសូ

v3

ក្រុងអៅហ្គាឌូហ្គូ៖ មានមនុស្សយ៉ាងតិច១៧នាក់បានស្លាប់ និង៨នាក់ផ្សេងទៀតបានរងរបួសក្នុងការវាយប្រហារលើភោជនីយដ្ឋានមួយក្នុងទីក្រុងអៅហ្គាឌូហ្គូ ប្រទេសបួគីណាហ្វាសូកាលពីយប់មិញ។


យោងតាមលោក Remi Dandjinou រដ្ឋមន្ត្រីក្រសួងទំនាក់ទំនងបួគីណាហ្វាសូ បានឲ្យដឹងនៅក្នុងថ្ងៃច័ន្ទនេះថា មានខ្មាន់កំភ្លើងមួយក្រុមបានបើកការវាយប្រហារលើភោជនីយដ្ឋានមួយឈ្មោះ Aziz Istanbul កាលពីយប់ថ្ងៃអាទិត្យ ហើយរដ្ឋាភិបាលបានបញ្ជូនកងកម្លាំងមកបញ្ចប់ការវាយប្រហារបានភ្លាមៗ។


ដោយឡែកយោងតាមសាក្សីបានលើកឡើងថា មានខ្មាន់កាំភ្លើងបីនាក់ បានបើកការបាញ់ប្រហារលើមនុស្សដែលកំពុងអង្គុយនៅខាងក្រៅភោជនីយដ្ឋាន ហើយថា កងសន្តិសុខបានបាញ់សម្លាប់ខ្មាន់កាំភ្លើង មិនយូរប៉ុន្មានក្រោយការបាញ់ប្រហារ។


លោក Remis Dandjinou រដ្ឋមន្ត្រីក្រសួងទំនាក់ទំនងបួគីណាហ្វាសូបានលើកឡើងបន្តថា ការវាយប្រហារលើកនេះអាចជាស្នាដៃរបស់ក្រុមអាល់កៃដា ដែលអះអាងទទួលខុសត្រូវលើការវាយប្រហារដែលសម្លាប់មនុស្សអស់ប្រហែល៣០នាក់កាលពីខែមករា ឆ្នាំមុន លើភោជនីដ្ឋានមួយផ្សេងទៀតនៅក្នុងទីក្រុងអៅហ្គាឌូហ្គូ ដដែលនេះ។


ដូចប្រទេសផ្សេងៗទៀតនៅតំបន់អាហ្វ្រិកខាងលិចដែរ ប្រទេស បួគីណាហ្វាសូ ជារើយៗតែងតែជាគោលដៅវាយប្រហារពីសំណាក់ក្រុមអ៊ិស្លាមជីហាដ ដែលកំពុងធ្វើប្រតិបត្តិការនៅទូទាំងតំបន់ Sahel ក្នុងតំបន់អាហ្វ្រិក។


ការវាយប្រហារភាគច្រើនកើតឡើងនៅតាមតំបន់ដាច់ស្រយាលក្បែរព្រំដែនជាប់ប្រទេសម៉ាលី ជាប្រទេសដែលកំពុងញ៉ាំញីដោយដោយការប្រហាប្រហារពីសំណាក់ក្រុមអ៊ិស្លាមជ្រុលនិយមជាងមួយទសសវត្សរិ៍មកហើយ។


ទោះជាយ៉ាណា មិនទាន់មានក្រុមណាមួយចេញមុខមកទទួលខុសត្រូវចំពោះការវាយប្រហារលើកចុងក្រោយនៅក្នុងប្រទេសបួគីណាហ្វាសូនៅឡើយទេ៕

រដ្ឋាភិបាលស៊ីរីបាញ់មីស៊ីលដាក់តំបន់គ្រប់គ្រងដោយក្រុមបះបោរនៅជាយក្រុងដាម៉ាស

v19

ស៊ីរី៖ កងកម្លាំងរដ្ឋាភិបាលស៊ីរីបានមីស៊ីលដាក់តំបន់គ្រប់គ្រងដោយក្រុមបះបោរនៅជាយក្រុងដាម៉ាសកាលពីថ្ងៃពុធនិងថ្ងៃព្រហស្បតិ៍ ខណៈពិភពលោកហាក់បីដូចលែងសូវចាប់អារម្មណ៍លើប្រទេសនេះ។


យោងតាមអង្គការឃ្លាំមើលសិទ្ធិមនុស្សប្រចាំប្រទេសស៊ីរីបានឲ្យដឹងថា មានមីស៊ីលយ៉ាងតិច២៧គ្រាប់ត្រូវបានបាញ់សំដៅទៅលើតំបន់ Ain Tarma និង Jobar ដែលស្ថិតនៅជាយក្រុងដាម៉ាស ប៉ុន្តែគេមិនទាន់ប្រមូលបានព័ត៌មានស្តីពីការស្លាប់និងការរងរបួសនៅឡើយទេ។
នៅក្នុងវីដេអូដែលគេបង្ហោះនៅលើបណ្តាញទំនាក់ទំនងសង្គមបានបង្ហាញឲ្យឃើញថា មីស៊ីលបានធ្លាក់លើតំបន់ Ain Tarma កាលពីម្សិលមិញ ខណៈមានការបាញ់កាំភ្លើងលើទីប្រជុំជន Kafr Batna នៅក្នុងតំបន់ដដែលនេះកាលពីថ្ងៃពុធ។


អ្នកនាំពាក្យក្រុមបះបោរមួយរូបបានលើកឡើងថា ការបាញ់មីស៊ីលនេះកើតមានឡើង ស្របពេលក្រុមបះបោរកំពុងពង្រឹងកម្លាំងឡើងវិញនៅក្នុងទីតាំងចុងក្រោយដែលខ្លួនគ្រប់គ្រងនៅជាយក្រុងដាម៉ាស ហើយថាការបាញ់ផ្លោងមានសភាពខ្លាំងក្លាតាំងពីថ្ងៃអង្គារមកម៉្លេះ។
តំបន់ Jobar ដែលស្ថិតនៅភាគឥសានទីក្រុងដាម៉ាស និងក្រុងនៅក្នុងតំបន់ Eastern Ghouta ដែលនៅជាប់នោះ គឺស្ថិតក្នុងការគ្រប់គ្រងរបស់ក្រុមបះបោរប្រហែលបួនប្រាំឆ្នាំមកហើយ។


សូមបញ្ជក់ថា តំបន់ Eastern Ghouta ដែលស្ថិតនៅភាគខាងកើតទីក្រុងដាម៉ាស ដែលស្ថិតនៅក្បែរៗកន្លែងមានការបាញ់ប្រហារនេះ ត្រូវបានកំណត់ជាតំបន់គ្មានការបាញ់បោះកាលពីរសប្តាហ៍កន្លងមកនេះ ដោយមានរុស្ស៊ីជាអ្នកចេញមុខសម្របសម្រួលខ្លាំងជាងគេ៕

មនុស្ស៣៦នាក់ស្លាប់ ១៣នាក់រងរបួស ក្នុងហេតុការណ៍គ្រោះថ្នាក់ចរាចរណ៍នៅផ្លូវក្រោមដីក្នុងប្រទេសចិន

v6

ចិន៖ មានមនុស្សយ៉ាងហោចណាស់៣៦នាក់បានស្លាប់និង១៣នាក់ផ្សេងទៀតរងរបួសនៅក្នុងហេតុការណ៍គ្រោះថ្នាក់ចរាចរណ៍នៅផ្លូវក្រោមដីក្នុងខេត្ត Shaanxi នាភាគពាយ័ព្យប្រទេសចិន ។ 

 
យោងតាមមន្ទីរសន្តិសុខសាធារណៈក្នុងខេត្ត Shaanxi បានអោយដឹងថា គ្រោះថ្នាក់នេះ បានកើតឡើងនៅម៉ោង ១១និង៣៤នាទីយប់ម្សិលមិញ ដោយសារមានរថយន្តក្រុងដឹកអ្នកដំណើរមួយគ្រឿងបានបុកទៅនឹងជញ្ជាំងផ្លូវក្រោមដី Qinling ដែលជាផ្នែកផ្លូវហាយវ៉េ Xi'an-Hanzhong ។

 
រថយន្តក្រុងមួយនេះបានធ្វើដំណើរទៅកាន់ក្រុង Luoyang ក្នុងខេត្ត Henan ភាគកណ្តាលប្រទេសចិន ដោយធ្វើដំណើរចេញពីក្រុង Chengdu ភាគនិរតីខេត្តស៊ីឈ័ន។


ជនរងគ្រោះទាំងអស់ត្រូវបានប្រញ៉ាប់ប្រញ៉ាល់បញ្ជូនទៅកាន់មន្ទីពេទ្យ ហើយក្រុមអ្នកសង្គ្រោះបានបន្តប្រតិបត្តិការរបស់ខ្លួនដោយបានបិទផ្លូវហាយវ៉េមួយផ្នែកផងដែរ។


សូមបញ្ជាក់ថា គេនៅមិនទាន់ដឹងពីមូលហេតុពិតប្រាកដដែលបណ្តាលអោយមានគ្រោះថ្នាក់នេះកើតឡើង នៅឡើយទេ ព្រោះក្រុមអ្នកស៊ើបអង្កេតប្រចាំខេត្ត Shaanxi កំពុងធ្វើការសើបអង្កេតនៅកន្លែងកើតហេតុនៅឡើយ៕

មេដឹកនាំវ៉េណេស៊ុយអេឡាព្រលយពាក្យថា ខ្លួនចង់ពិភាក្សាជាមួយលោក ដូណាល់ ត្រាំ

v5

ក្រុងការ៉ាកាស៖ លោក Nicolás Maduro ប្រធានាធិបតីវ៉េណេស៊ុយអេឡា បានព្រលយពាក្យថា លោកចង់ជួបពិភាក្សាជាមួយលោក ដូណាល់ ត្រាំ ដោយផ្ទាល់ បន្ទាប់ពីចោទប្រកាន់សហរដ្ឋអាមេរិកថា រៀបផែនការប្រឆាំងរដ្ឋាភិបាលរបស់លោក។


ប្រធានាធិបតីវ៉េណេស៊ុយអេឡារូបនេះ បានថ្លែងនៅក្នុងសភាដែលទើបតែបង្កើតថ្មីថា លោកចង់ “ពិភាក្សាដោយផ្ទាល់” ជាមួយលោកប្រធានាធិបតី ដូណាល់ ត្រាំ ពេលជួបគ្នាអំឡុងមហាសន្និបាតអង្គការសហប្រជាជាតិនៅក្នុងទីក្រុងញ៉ូវយកនាខែក្រោយ។


លោក Nicolás Maduro បានមានប្រសន៍បន្តថា ប្រសិនបើលោកដូណាល់ ត្រាំ ចាប់អារម្មណ៍ លោក ស្វាគមន៍ជានិច្ច ប៉ុន្តែសេតវិមានមិនទាន់ធ្វើការធ្លើយតបចំពោះបំណងនេះនៅឡើយទេ។


ក្នុងពេលថ្មីៗនេះ លោក ដូណាល់ ត្រាំ បានដាក់ទណ្ឌកម្មលើលោក Nicolás Maduro ដោយចោទប្រកាន់លោកថា ធ្វើឲ្យខូចលទ្ធប្រជាធិបតេយ្យ។


រីលោក Nicolás Maduro ដែលតែងរិះគន់សហរដ្ឋអាមេរិកស្រាប់ បានប្រើពាក្យពេជន៍រិះគន់ខ្លាំងៗបន្ថែមទៀតក្នុងពេលថ្មីៗ ដោយចោទប្រកាន់ សហរដ្ឋអាមេរិកថា កំពុងរៀបផែនការប្រឆាំងនឹងរដ្ឋាភិបាលរបស់លោក តាមរយៈការគាំទ្រក្រុមប្រឆាំងដែលកំពុងបង្កភាពចលាចលនៅវ៉េណេស៊ុយអេឡា។


លោក Nicolás Maduro ក៏ធ្លាប់បានលើកឡើងផងដែរថា ទោះបីជាមានរឿងអ្វីកើតឡើងក៏ដោយ លោកនឹងមិនស្ថិតនៅក្រោមចំណុះបរទេសដាច់ខាត ហើយនឹងតតាំងប្រឆាំងនឹងទណ្ឌកម្មរបស់សហរដ្ឋអាមេរិកនៅក្នុងតុលាការរបស់ប្រទេសនេះរហូតដល់ទីបញ្ចប់។


ដោយឡែកងាកមកនិយាយពាក់ព័ន្ធនឹង សភាដែលទើបតែបង្កើតថ្មី គឺក្រុមគណប្រឆាំងប្រកាស់មិនទទួលស្គាល់នោះឡើយ ហើយក៏រងការថ្កោលទោសពីសំណាក់ថ្នាក់ដឹកនាំពិភពលោកមួយចំនួនផងដែរ ប៉ុន្តែលោក Nicolás Maduro បានពន្យល់ថា សភាថ្មីនេះមានតួនាទីសំខាន់ណាស់ក្នុងការស្តារស្ថិរភាពឡើងវិញតាមរយៈការប្រមូលភាគីពាក់ព័ន្ធទាំងអស់ឲ្យមកអង្គុយពិភាក្សាគ្នាដើម្បីតាក់តែងរដ្ឋធម្មនុញ្ញថ្មីមួយដែលមតិភាគច្រើនអាចទទួលយកបាន។


សូមបញ្ជាក់ថា មានមនុស្សជាង១២០នាក់បានស្លាប់ ពេលកើតមានអំពើហិង្សាអំឡុងពេលមានការតវ៉ាប្រឆាំងរដ្ឋាភិបាលរបស់លោក Nicolás Maduro ចាប់តាំងពីខែមេសាមក៕

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

ព័ត៌មានជាតិ​ពេល​យប់​


អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2