vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

១៧នាក់ស្លាប់ ៨នាក់រងរបួសក្នុងការវាយប្រហារលើភោជនីយដ្ឋានមួយនៅបួគីណាហ្វាសូ

v3

ក្រុងអៅហ្គាឌូហ្គូ៖ មានមនុស្សយ៉ាងតិច១៧នាក់បានស្លាប់ និង៨នាក់ផ្សេងទៀតបានរងរបួសក្នុងការវាយប្រហារលើភោជនីយដ្ឋានមួយក្នុងទីក្រុងអៅហ្គាឌូហ្គូ ប្រទេសបួគីណាហ្វាសូកាលពីយប់មិញ។


យោងតាមលោក Remi Dandjinou រដ្ឋមន្ត្រីក្រសួងទំនាក់ទំនងបួគីណាហ្វាសូ បានឲ្យដឹងនៅក្នុងថ្ងៃច័ន្ទនេះថា មានខ្មាន់កំភ្លើងមួយក្រុមបានបើកការវាយប្រហារលើភោជនីយដ្ឋានមួយឈ្មោះ Aziz Istanbul កាលពីយប់ថ្ងៃអាទិត្យ ហើយរដ្ឋាភិបាលបានបញ្ជូនកងកម្លាំងមកបញ្ចប់ការវាយប្រហារបានភ្លាមៗ។


ដោយឡែកយោងតាមសាក្សីបានលើកឡើងថា មានខ្មាន់កាំភ្លើងបីនាក់ បានបើកការបាញ់ប្រហារលើមនុស្សដែលកំពុងអង្គុយនៅខាងក្រៅភោជនីយដ្ឋាន ហើយថា កងសន្តិសុខបានបាញ់សម្លាប់ខ្មាន់កាំភ្លើង មិនយូរប៉ុន្មានក្រោយការបាញ់ប្រហារ។


លោក Remis Dandjinou រដ្ឋមន្ត្រីក្រសួងទំនាក់ទំនងបួគីណាហ្វាសូបានលើកឡើងបន្តថា ការវាយប្រហារលើកនេះអាចជាស្នាដៃរបស់ក្រុមអាល់កៃដា ដែលអះអាងទទួលខុសត្រូវលើការវាយប្រហារដែលសម្លាប់មនុស្សអស់ប្រហែល៣០នាក់កាលពីខែមករា ឆ្នាំមុន លើភោជនីដ្ឋានមួយផ្សេងទៀតនៅក្នុងទីក្រុងអៅហ្គាឌូហ្គូ ដដែលនេះ។


ដូចប្រទេសផ្សេងៗទៀតនៅតំបន់អាហ្វ្រិកខាងលិចដែរ ប្រទេស បួគីណាហ្វាសូ ជារើយៗតែងតែជាគោលដៅវាយប្រហារពីសំណាក់ក្រុមអ៊ិស្លាមជីហាដ ដែលកំពុងធ្វើប្រតិបត្តិការនៅទូទាំងតំបន់ Sahel ក្នុងតំបន់អាហ្វ្រិក។


ការវាយប្រហារភាគច្រើនកើតឡើងនៅតាមតំបន់ដាច់ស្រយាលក្បែរព្រំដែនជាប់ប្រទេសម៉ាលី ជាប្រទេសដែលកំពុងញ៉ាំញីដោយដោយការប្រហាប្រហារពីសំណាក់ក្រុមអ៊ិស្លាមជ្រុលនិយមជាងមួយទសសវត្សរិ៍មកហើយ។


ទោះជាយ៉ាណា មិនទាន់មានក្រុមណាមួយចេញមុខមកទទួលខុសត្រូវចំពោះការវាយប្រហារលើកចុងក្រោយនៅក្នុងប្រទេសបួគីណាហ្វាសូនៅឡើយទេ៕

រដ្ឋាភិបាលស៊ីរីបាញ់មីស៊ីលដាក់តំបន់គ្រប់គ្រងដោយក្រុមបះបោរនៅជាយក្រុងដាម៉ាស

v19

ស៊ីរី៖ កងកម្លាំងរដ្ឋាភិបាលស៊ីរីបានមីស៊ីលដាក់តំបន់គ្រប់គ្រងដោយក្រុមបះបោរនៅជាយក្រុងដាម៉ាសកាលពីថ្ងៃពុធនិងថ្ងៃព្រហស្បតិ៍ ខណៈពិភពលោកហាក់បីដូចលែងសូវចាប់អារម្មណ៍លើប្រទេសនេះ។


យោងតាមអង្គការឃ្លាំមើលសិទ្ធិមនុស្សប្រចាំប្រទេសស៊ីរីបានឲ្យដឹងថា មានមីស៊ីលយ៉ាងតិច២៧គ្រាប់ត្រូវបានបាញ់សំដៅទៅលើតំបន់ Ain Tarma និង Jobar ដែលស្ថិតនៅជាយក្រុងដាម៉ាស ប៉ុន្តែគេមិនទាន់ប្រមូលបានព័ត៌មានស្តីពីការស្លាប់និងការរងរបួសនៅឡើយទេ។
នៅក្នុងវីដេអូដែលគេបង្ហោះនៅលើបណ្តាញទំនាក់ទំនងសង្គមបានបង្ហាញឲ្យឃើញថា មីស៊ីលបានធ្លាក់លើតំបន់ Ain Tarma កាលពីម្សិលមិញ ខណៈមានការបាញ់កាំភ្លើងលើទីប្រជុំជន Kafr Batna នៅក្នុងតំបន់ដដែលនេះកាលពីថ្ងៃពុធ។


អ្នកនាំពាក្យក្រុមបះបោរមួយរូបបានលើកឡើងថា ការបាញ់មីស៊ីលនេះកើតមានឡើង ស្របពេលក្រុមបះបោរកំពុងពង្រឹងកម្លាំងឡើងវិញនៅក្នុងទីតាំងចុងក្រោយដែលខ្លួនគ្រប់គ្រងនៅជាយក្រុងដាម៉ាស ហើយថាការបាញ់ផ្លោងមានសភាពខ្លាំងក្លាតាំងពីថ្ងៃអង្គារមកម៉្លេះ។
តំបន់ Jobar ដែលស្ថិតនៅភាគឥសានទីក្រុងដាម៉ាស និងក្រុងនៅក្នុងតំបន់ Eastern Ghouta ដែលនៅជាប់នោះ គឺស្ថិតក្នុងការគ្រប់គ្រងរបស់ក្រុមបះបោរប្រហែលបួនប្រាំឆ្នាំមកហើយ។


សូមបញ្ជក់ថា តំបន់ Eastern Ghouta ដែលស្ថិតនៅភាគខាងកើតទីក្រុងដាម៉ាស ដែលស្ថិតនៅក្បែរៗកន្លែងមានការបាញ់ប្រហារនេះ ត្រូវបានកំណត់ជាតំបន់គ្មានការបាញ់បោះកាលពីរសប្តាហ៍កន្លងមកនេះ ដោយមានរុស្ស៊ីជាអ្នកចេញមុខសម្របសម្រួលខ្លាំងជាងគេ៕

មនុស្ស៣៦នាក់ស្លាប់ ១៣នាក់រងរបួស ក្នុងហេតុការណ៍គ្រោះថ្នាក់ចរាចរណ៍នៅផ្លូវក្រោមដីក្នុងប្រទេសចិន

v6

ចិន៖ មានមនុស្សយ៉ាងហោចណាស់៣៦នាក់បានស្លាប់និង១៣នាក់ផ្សេងទៀតរងរបួសនៅក្នុងហេតុការណ៍គ្រោះថ្នាក់ចរាចរណ៍នៅផ្លូវក្រោមដីក្នុងខេត្ត Shaanxi នាភាគពាយ័ព្យប្រទេសចិន ។ 

 
យោងតាមមន្ទីរសន្តិសុខសាធារណៈក្នុងខេត្ត Shaanxi បានអោយដឹងថា គ្រោះថ្នាក់នេះ បានកើតឡើងនៅម៉ោង ១១និង៣៤នាទីយប់ម្សិលមិញ ដោយសារមានរថយន្តក្រុងដឹកអ្នកដំណើរមួយគ្រឿងបានបុកទៅនឹងជញ្ជាំងផ្លូវក្រោមដី Qinling ដែលជាផ្នែកផ្លូវហាយវ៉េ Xi'an-Hanzhong ។

 
រថយន្តក្រុងមួយនេះបានធ្វើដំណើរទៅកាន់ក្រុង Luoyang ក្នុងខេត្ត Henan ភាគកណ្តាលប្រទេសចិន ដោយធ្វើដំណើរចេញពីក្រុង Chengdu ភាគនិរតីខេត្តស៊ីឈ័ន។


ជនរងគ្រោះទាំងអស់ត្រូវបានប្រញ៉ាប់ប្រញ៉ាល់បញ្ជូនទៅកាន់មន្ទីពេទ្យ ហើយក្រុមអ្នកសង្គ្រោះបានបន្តប្រតិបត្តិការរបស់ខ្លួនដោយបានបិទផ្លូវហាយវ៉េមួយផ្នែកផងដែរ។


សូមបញ្ជាក់ថា គេនៅមិនទាន់ដឹងពីមូលហេតុពិតប្រាកដដែលបណ្តាលអោយមានគ្រោះថ្នាក់នេះកើតឡើង នៅឡើយទេ ព្រោះក្រុមអ្នកស៊ើបអង្កេតប្រចាំខេត្ត Shaanxi កំពុងធ្វើការសើបអង្កេតនៅកន្លែងកើតហេតុនៅឡើយ៕

មេដឹកនាំវ៉េណេស៊ុយអេឡាព្រលយពាក្យថា ខ្លួនចង់ពិភាក្សាជាមួយលោក ដូណាល់ ត្រាំ

v5

ក្រុងការ៉ាកាស៖ លោក Nicolás Maduro ប្រធានាធិបតីវ៉េណេស៊ុយអេឡា បានព្រលយពាក្យថា លោកចង់ជួបពិភាក្សាជាមួយលោក ដូណាល់ ត្រាំ ដោយផ្ទាល់ បន្ទាប់ពីចោទប្រកាន់សហរដ្ឋអាមេរិកថា រៀបផែនការប្រឆាំងរដ្ឋាភិបាលរបស់លោក។


ប្រធានាធិបតីវ៉េណេស៊ុយអេឡារូបនេះ បានថ្លែងនៅក្នុងសភាដែលទើបតែបង្កើតថ្មីថា លោកចង់ “ពិភាក្សាដោយផ្ទាល់” ជាមួយលោកប្រធានាធិបតី ដូណាល់ ត្រាំ ពេលជួបគ្នាអំឡុងមហាសន្និបាតអង្គការសហប្រជាជាតិនៅក្នុងទីក្រុងញ៉ូវយកនាខែក្រោយ។


លោក Nicolás Maduro បានមានប្រសន៍បន្តថា ប្រសិនបើលោកដូណាល់ ត្រាំ ចាប់អារម្មណ៍ លោក ស្វាគមន៍ជានិច្ច ប៉ុន្តែសេតវិមានមិនទាន់ធ្វើការធ្លើយតបចំពោះបំណងនេះនៅឡើយទេ។


ក្នុងពេលថ្មីៗនេះ លោក ដូណាល់ ត្រាំ បានដាក់ទណ្ឌកម្មលើលោក Nicolás Maduro ដោយចោទប្រកាន់លោកថា ធ្វើឲ្យខូចលទ្ធប្រជាធិបតេយ្យ។


រីលោក Nicolás Maduro ដែលតែងរិះគន់សហរដ្ឋអាមេរិកស្រាប់ បានប្រើពាក្យពេជន៍រិះគន់ខ្លាំងៗបន្ថែមទៀតក្នុងពេលថ្មីៗ ដោយចោទប្រកាន់ សហរដ្ឋអាមេរិកថា កំពុងរៀបផែនការប្រឆាំងនឹងរដ្ឋាភិបាលរបស់លោក តាមរយៈការគាំទ្រក្រុមប្រឆាំងដែលកំពុងបង្កភាពចលាចលនៅវ៉េណេស៊ុយអេឡា។


លោក Nicolás Maduro ក៏ធ្លាប់បានលើកឡើងផងដែរថា ទោះបីជាមានរឿងអ្វីកើតឡើងក៏ដោយ លោកនឹងមិនស្ថិតនៅក្រោមចំណុះបរទេសដាច់ខាត ហើយនឹងតតាំងប្រឆាំងនឹងទណ្ឌកម្មរបស់សហរដ្ឋអាមេរិកនៅក្នុងតុលាការរបស់ប្រទេសនេះរហូតដល់ទីបញ្ចប់។


ដោយឡែកងាកមកនិយាយពាក់ព័ន្ធនឹង សភាដែលទើបតែបង្កើតថ្មី គឺក្រុមគណប្រឆាំងប្រកាស់មិនទទួលស្គាល់នោះឡើយ ហើយក៏រងការថ្កោលទោសពីសំណាក់ថ្នាក់ដឹកនាំពិភពលោកមួយចំនួនផងដែរ ប៉ុន្តែលោក Nicolás Maduro បានពន្យល់ថា សភាថ្មីនេះមានតួនាទីសំខាន់ណាស់ក្នុងការស្តារស្ថិរភាពឡើងវិញតាមរយៈការប្រមូលភាគីពាក់ព័ន្ធទាំងអស់ឲ្យមកអង្គុយពិភាក្សាគ្នាដើម្បីតាក់តែងរដ្ឋធម្មនុញ្ញថ្មីមួយដែលមតិភាគច្រើនអាចទទួលយកបាន។


សូមបញ្ជាក់ថា មានមនុស្សជាង១២០នាក់បានស្លាប់ ពេលកើតមានអំពើហិង្សាអំឡុងពេលមានការតវ៉ាប្រឆាំងរដ្ឋាភិបាលរបស់លោក Nicolás Maduro ចាប់តាំងពីខែមេសាមក៕

ចិនប្រកាសជំទាស់ដាច់អហង្កាចំពោះនាវាចម្បាំងរបស់អាមេរិកដែលបណ្តែតខ្លួនទៅក្បែរប្រជុំកោះ Nansha

v2

ចិន៖ ប្រទេសចិនបានប្រកាសជំទាស់យ៉ាងដាច់អហង្កាចំពោះនាវាចម្បាំងរបស់សហរដ្ឋអាមេរិកដែលបណ្តែតខ្លួនទៅក្បែរតំបន់ថ្មប៉ប្រះទឹកក្នុងតំបន់ប្រជុំកោះ Nansha នៅក្នុងសមុទ្រចិនខាងត្បូង។


លោក Geng Shuang អ្នកនាំពាក្យក្រសួងការបរទេសចិនបានលើកឡើងថា នាវាចម្បាំង USS John S. McCain របស់សហរដ្ឋអាមេរិក បានបណ្តែតខ្លួនចូលដែនទឹកក្បែរតំបន់ថ្មប៉ះប្រះទឹក Meiji ដោយខុសច្បាប់ ហើយបានធ្វើដំណើរតាមតែអំពើចិត្ត ដោយមិនបានសុំការអនុញ្ញាតពីរដ្ឋាភិបាលចិនទេ ហើយថាពេលឃើញដូច្នោះ កងទ័ពជើងទឹកចិនក៏បានព្រមាននិងបណ្តេញចេញទៅវិញភ្លាមៗ។


អ្នកនាំពាក្យរូបនេះបានថ្លែងបន្ថែមថា ទង្វើបែបនេះរបស់សហរដ្ឋអាមេរិក គឺធ្វើឲ្យប៉ះពាល់យ៉ាងធ្ងន់ធ្ងរដល់សន្តិសុខនិងអធិបតេយ្យភាពរបស់ប្រទេសចិន ហើយក៏បង្កឲ្យមានគ្រោះថ្នាក់ធ្ងន់ធ្ងរដល់ខ្សែត្រៀមជួរមុខរវាងកងទ័ពនៃប្រទេសទាំងពីរផងដែរ។


លោក Geng Shuang បានសង្កត់ធ្ងន់ថា ប្រទេសចិនមានសិទ្ធិគ្រប់គ្រងដោយមិនអាចប្រកែកបានលើប្រជុំកោះ Nansha និងដែនទឹកក្បែរៗនោះ។


លោកបានថ្លែងបន្តទៀតថា ដោយមានការខិតខំរួមគ្នារវាងប្រទេសចិននិងប្រទេសសមាជិកអាស៊ាន ស្ថានភាពបច្ចុប្បន្ននៅសមុទ្រចិនខាងត្បូងមានស្ថិរភាពល្អ ហើយនៅតែរក្សាបានតាមគោលការណ៍អភិវឌ្ឍន៍ប្រកបដោយសន្តិវិធី ដោយលោកបានគូសបញ្ជាក់ថា កិច្ចប្រជុំរដ្ឋមន្ត្រីក្រសួងការបរទេសអាស៊ាន-ចិនក្នុងពេលថ្មីៗនៅក្នុងទីក្រុងម៉ានីល មានការឯកភាពលើគោលការណ៍នៃក្រមប្រតិបត្តិនៅសមុទ្រចិនខាងត្បូងហៅកាត់ COC ប៉ុន្តែទោះជាយ៉ាងណា មានភាគីមួយចំនួនដែលមិនជាប់ពាក់ព័ន្ធ បានបន្តចូលជ្រៀងជ្រែកកិច្ចការក្នុងតំបន់ដោយប្រើរូបភាព “នៃការធ្វើដំណើរដោយសេរី” ជាលេស។

 

លោក Geng Shuang បានបញ្ជាក់ជាចុងក្រោយថា ប្រទេសចិននៅតែប្រកាន់ជំហយ៉ាងមុតមាំក្នុងការការពារអធិបតេយ្យភាពដែនទឹក និងផលប្រយោជន៍ដែនទឹករបស់ខ្លួន ហើយថា ការបង្កជម្លោះរបស់សហរដ្ឋអាមេរិក មានតែធ្វើឲ្យប្រទេសចិនបន្តចាត់វិធានការពង្រឹងសមត្ថភាពការពារជាតិទៅវិញទេ៕

អ្នករស់នៅលើដែនកោះ Guam មានការព្រួយបារម្ភ ប៉ុន្តែអត់ខ្លាចការគំរាមបាញ់គ្រាប់មីស៊ីលរបស់កូរ៉េខាងជើង

v1

ដែនកោះ Guam ៖ អ្នករស់នៅលើដែនកោះ Guam និយាយថា ពួកគាត់មានការព្រួយបារម្ភ ប៉ុន្តែជាទូទៅអត់ខ្លាចការគំរាមបាញ់គ្រាប់មីស៊ីលរបស់កូរ៉េខាងជើងក្នុងពេលឆាប់ៗនេះទេ។


ឆ្នេរនិងផ្សារនានានៅលើដែនកោះ Guam នេះ មើលទៅនៅមានសភាពធម្មតានៅឡើយក្នុងថ្ងៃសុក្រនេះ ដោយភ្ញៀវទេសចរដែលភាគច្រើនមកពីប្រទេសជប៉ុន និងកូរ៉េខាងត្បូង នៅដើរកម្សាន្តដូចសព្វមួយដង ខណៈនៅសល់តែប៉ុន្មានថ្ងៃទៀតកូរ៉េខាងជើងអាចនឹងអនុវត្តតាមផែនការបាញ់គ្រាប់មីស៊ីលនោះ។


ប្រព័ន្ធផ្សព្វផ្សាយរដ្ឋកូរ៉េខាងជើងបានរាយការណ៍ថា បើលោកគីម ជុងអ៊ុន សម្រេចបើកភ្លើងខៀវមែននោះ មីស៊ីលរំលងទ្វីបចំនួនបួនគ្រាប់ប្រាកដជានឹងហោះមកធ្លាក់នៅចម្ងាយត្រឹមតែ៣០ទៅ៤០គីឡូម៉ែត្រប៉ុណ្ណោះពីដែនកោះ Guam ជាក់ជាពុំខាន ដើម្បីជាសញ្ញាប្រាប់សហរដ្ឋអាមេរិក កូរ៉េខាងជើងហ៊ានគំរាម ហ៊ានធ្វើ។


ដែនកោះ Guam គឺជាតំបន់ដែលមានពលរដ្ឋប្រមាណ១៦៣.០០០នាក់រស់នៅ និងជាមូលដ្ឋានយោធាសហរដ្ឋអាមេរិក ដែលផ្តល់ទីតាំងសម្រាប់កងនាវាមុជទឹក យន្តហោះចម្បាំង និងក្រុមឆ្មាំសមុទ្រ។


ដោយមើលឃើញថាកូរ៉េខាងជើងនៅតែផ្គើនមកលើខ្លួន លោក ដូណាល់ ត្រាំ ប្រធានាធិបតីសហរដ្ឋអាមេរិកបានបោះពាក្យសំដីគំរាមធ្ងន់ៗខ្លាំងជាងមុនទៅទៀត ដោយលោកលើកឡើងថា កូរ៉េខាងជើងធ្លាប់គំរាមពីមុនៗមក ហើយរួចខ្លួនរហូត ប៉ុន្តែលើកនេះនឹងមិនរួចខ្លួនឡើយ បើកូរ៉េខាងជើងហ៊ានតែធ្វើឲ្យប៉ះពាល់ដល់សហរដ្ឋអាមេរិក និងប្រទេសដែលជាសម្ព័ន្ធមិត្តរបស់អាមេរិក។


លោក ដូណាល់ ត្រាំ បានបន្ថែមថា ពលរដ្ឋអាមេរិកសុទ្ធតែមានសុវត្ថិភាព រីឯពលរដ្ឋសម្ព័ន្ធមិត្តរបស់សហរដ្ឋអាមេរិកក៏មានសុវត្ថិភាពដែរ ហេតុដូច្នេះកូរ៉េខាងជើងគួតែដើរលើគន្លងនេះ បើពុំដូច្នោះទេ នឹងជួបវាសនាដូចប្រទេសមួយចំនួនដូចដែលពិភពលោកធ្លាប់បានឃើញហើយ៕

អាមេរិកបណ្តេញមន្ត្រីទូតគុយបាពីររូប បន្ទាប់ពីមន្ត្រីទូតរបស់ខ្លួនជួបបញ្ហាត្រចៀតដ៏អាថ៌កំបាំង

v4

អាមេរិក៖ រដ្ឋាភិបាលក្រុងវ៉ាស៊ីនតោនបានបណ្តេញមន្ត្រីទូតគុយបាចំនួនពីររូប បន្ទាប់ពីមន្ត្រីនៅស្ថានទូតអាមេរិកប្រចាំទីក្រុង Havana ជួបបញ្ហត្រចៀកចុះខ្សោយដ៏អាថ៌កំបាំង។


គេនៅមិនទាន់ដឹងច្បាស់នៅឡើយទេ ថាតើរោគសញ្ហាត្រចៀកចុះខ្សោយនេះបណ្តាលមកពីមូលហេតុអ្វីឲ្យពិតប្រាកដនោះ រីឯអ្នកនាំពាក្យសេតវិមានមួយរូបឈ្មោះ Heather Nauert បានលើកឡើងថា ខ្លួនក៏មិនទាន់មានចម្លើយពិតប្រាកដដែរពាក់ព័ន្ធនឹងបញ្ហានេះ។


មន្ត្រីរដ្ឋាភិបាលសហរដ្ឋអាមេរិកមួយរូបត្រូវបានទីភ្នាក់ងារព័ត៌មានរ៉យទ័រដកស្រង់សំដីមកថា មានមន្ត្រីទូតអាមេរិកប្រចំាប្រទេសគុយបាមួយចំនួនបានជួបរោគសញ្ញាត្រចៀកស្តាប់មិនសូវឮដោយមិនដឹងមូលហេតុ។


ប៉ុន្តែក្រសួងការបរទេសគុយបាបានលើកឡើងថា អាជ្ញាធរកំពុងតែបើកស៊ើបអង្កេតលើហេតុការណ៍ដ៏អាថ៌កំបាំងនេះហើយ។


ក្រសួងការបរទេសគុយបាដដែលនេះ បានហៅការបណ្តេញមន្ត្រីទូតរបស់ខ្លួនទាំងពីររូបថា ជាចំណាត់ការដ៏អយុត្តិធម៌ ប៉ុន្តែទោះជាយ៉ាងណាគុយបានៅតែមានឆន្ទៈសហការជាមួយរដ្ឋាភិបាលក្រុងវ៉ាស៊ីនតោនដើម្បីបញ្ជាក់ឲ្យបានច្បាស់ថា តើមានអ្វីកើតឡើងឲ្យពិតប្រាកដ។


រដ្ឋាភិបាលគុយបាបានលើកឡើងបន្ថែមថា ប្រទេសរបស់ខ្លួនមិនដែលអនុញ្ញាតឲ្យនរណាយកទឹកដីរបស់ខ្លួនធ្វើរឿងខុសឆ្គងចំពោះមន្ត្រីទូតនិងគ្រួសាររបស់ពួកគេឡើយ ហើយថា សមត្ថភាពស្តាប់ឮចុះខ្សោយប្រហែលជាមកពីឧបករណ៍បន្លឺសំឡេងដែលគេបំពាក់នៅខាងក្រៅផ្ទះរបស់មន្ត្រីទូតទាំងពីររូបនេះ ព្រោះរលកសញ្ហារបស់វាអាចធ្វើឲ្យមនុស្សថ្លង់បាន។


រដ្ឋាភិបាលក្រុងវ៉ាងស៊ីនតោននិងរដ្ឋាភិបាលក្រុង Havana ទើបតែស្តារទំនាក់ទំនងឡើងវិញកាលពីឆ្នាំ២០១៥ប៉ុណ្ណោះ បន្ទាប់ពីប្រទេសទាំងពីរបានកាត់ផ្តាចទំនាក់ទំនងពីគ្នាអស់រយៈពេលប្រហែល៥០ឆ្នាំ៕

លោក Netanyahu ចោទប្រកាន់ក្រុមឆ្មេងនិយមនិងប្រព័ន្ធផ្សព្វផ្សាយថា ព្យាយាមផ្តួលរំលំរូបលោក

v3

ក្រុងតែលអាវីវ៖ លោក Benjamin Netanyahu នាយករដ្ឋមន្ត្រីអ៊ីស្រាអែល បានចោទប្រកាន់ក្រុមអ្នកនយោបាយឆ្វេងនិយមនិងប្រព័ន្ធផ្សព្វផ្សាយថា កំពុងព្យាយាមផ្តួលរំលំរូបលោក។


នាយករដ្ឋមន្ត្រីអ៊ីស្រាអែលរូបនេះ បានធ្វើការចោទប្រកាន់យ៉ាងដូច្នេះកាលពីម្សិលមិញ ពេលថ្លែងទៅកាន់សមាជិកគណបក្សស្តាំនិយមរបស់លោក គឺគណបក្ស Likud ខណៈពេលអ្នកគាំទ្រដែលក្នុងដៃមានកាន់ទង់ជាតិអ៊ីស្រាអែលបានស្រែកឡើងថា "Bibi, Bibi." ជាឈ្មោះហៅក្រៅរបស់លោក Netanyahu។


នៅក្នុងរយៈពេលកាន់អំណាច១១ឆ្នាំមកនេះ លោក Netanyahu ដែលឈ្នះឆ្នោតលើកចុងក្រោយកាលពីឆ្នាំ ២០១៥ បានទទួលរងនូវរឿងអាស្រូវមួយចំនួន ព្រមទាំងមានការស៊ើបអង្កេតពីនគរបាលផងដែរ ប៉ុន្តែប្រជាប្រិយភាពរបស់លោកនៅរឹងមាំដដែលក្នុងចំណោមប្រជាពលរដ្ឋទូទៅ ដោយធ្វើឲ្យលោកនៅតែនាំមុខគូប្រជែងនយោបាយនានា។


លោក Netanyahu បានចោទប្រកាន់ក្រុមអ្នកនយោបាយឆ្វេងនិយមថា កំពុងព្យាយាមផ្តួលរំលំរូបលោកតាមរយៈការជំរុញឲ្យក្រុមអ្នកស៊ើបអង្កេតដាក់ការចោទប្រកាន់ដោយមានប្រព័ន្ធផ្សព្វផ្សព្វដែលមានទំនោរទៅរកចលនាឆ្វេងនិយមជាអ្នកគាំទ្រពីក្រោយ ប៉ុន្តែលោកអះអាងថា ការចោទប្រកាន់ទាំងអស់មកលើរូបលោកសុទ្ធតែខុសការពិត និងគ្មានយុត្តិធម៌ទាល់តែសោះ។


មេដឹកនាំអ៊ីស្រាអែលរូបនេះ បានចាត់ទុកការស៊ើបអង្កើតបទព្រម្មទណ្ឌមកលើរូបលោកថា ជា “ការព្យាយាមបង្ខួចជីវប្រវត្តិរបស់លោក” និងបានច្រានចោលការបំផុសបំផុលដែលថា លោកនឹងត្រូវបង្ខំឲ្យចុះចេញពីតំណែង ដោយលោកបានសរសេរសារបញ្ជាក់តាមហ្វេសប៊ុកនៅក្នុងសប្តាហ៍នេះថា “រឿងហ្នឹងមិនអាចកើតឡើងបានទេ”។


បច្ចុប្បន្ន លោក Netanyahu អាយុ៦៧ ឆ្នាំ កំពុងស្ថិតក្រោមការស៊ើបអង្កេតពាក់ព័ន្ធនឹងសំណុំរឿងធំៗចំនួនពីរគឺ សំណុំរឿងដែលឈ្មោះថា “សំណុំរឿង១០០០” ជាសំណុំរឿងជាប់ទាក់ទិននឹងអំណោយដែលផ្តល់មកឲ្យលោកនិងគ្រួសាររបស់លោក ដោយអ្នកជំនួញធំៗ និងសំណុំរឿងមួយផ្សេងទៀតដែលមានឈ្មោះថា “សំណុំរឿង២០០០ “ ដែលមានជាប់ពាក់ព័ន្ធនឹងកិច្ចសន្ទនារវាងលោកនិងចាងហ្វាងកាសែតជនជាតិអ៊ីស្រាអែលម្នាក់៕

ក្រុមអាយស៊ីសបញ្ចេញវីដេអូគំរាមវាយប្រហារជាថ្មីលើប្រទេសអ៊ីរ៉ង់

v2

ក្រុមអាយស៊ីសបញ្ចេញវីដេអូគំរាមវាយប្រហារទីក្រុងតេហេរ៉ង់ដែលជារដ្ឋធានីរបស់អ៊ីរ៉ង់សាជាថ្មី និងបានអំពាវនាវឲ្យយុវជនអ៊ីរ៉ង់ងើបឡើងដើម្បីចាប់ផ្តើមពង្រីកឥទ្ធិពលរបស់ក្រុមអ៊ីស្លាមជីហាដនៅក្នុងប្រទេសនេះ។


បុរសពាក់ស្រោបខ្មៅម្នាក់ដែលដៃមានកាន់កំភ្លើងខ្លីនិងកំភ្លើងអាកា៤៧ ហើយអង្គុយនៅក្នុងចំណោមបុរសពាក់ស្រោបមុខខ្មៅពីរនាក់ផ្សេងទៀត បានធ្វើការព្រមានធ្ងន់ៗយ៉ាងដូច្នេះនៅក្នុងវីដេអូមានរូបសញ្ញារបស់ទីភ្នាក់ងារព័ត៌មាន Amaq ដែលមានទំនាក់ទំនងជាមួយក្រុមអាយស៊ីស។


ក្រុមរដ្ឋអ៊ិស្លាមជីហាដអាយស៊ីស ដែលប្រតិបត្តិតាមសាសនាអ៊ិស្លាមនិកាយស៊ុននី បានចាត់ទុកប្រទេសអ៊ីរ៉ង់ថា ជាសត្រូវធំបំផុតរបស់ខ្លួននៅក្នុងពិភពអារ៉ាប់ ដោយសារពលរដ្ឋភាគច្រើននៅក្នុងប្រទេសនេះដើរតាមសាសនាអ៊ិស្លាមនិកាយស៊ីអ៊ីត។


ក្រុមនេះ បានសម្លាប់មនុស្សយ៉ាងតិច១៨នាក់ នៅក្នុងការប្រហារលើរដ្ឋសភាអ៊ីរ៉ង់និងចេតិយ្យរបស់មេដឹកនាំសាសនាដ៏ល្បីឈ្មោះគឺលោក Ayatollah Khomeini នៅក្នុងទីក្រុងតេហេរ៉ង់កាលពីថ្ងៃទី៧ ខែមិថុនា។


ជាការសងសឹក កងបដិវត្តិអ៊ីរ៉ង់បានបាញ់មីស៊ីលជាច្រើនគ្រាប់លើមូលដ្ឋានរបស់ក្រុមអាយស៊ីសនៅក្នុងប្រទេសស៊ីរីវិញកាលពីថ្ងៃទី១៨ នៅក្នុងខែមិថុនាដដែលនោះ។


មន្ត្រីរដ្ឋាភិបាលអ៊ីរ៉ង់ក៏បានប្រកាសពីការចាប់ខ្លួនបានមនុស្សរាប់សិបនាក់ដែលសង្ស័យថា មានជាប់ពាក់ព័ន្ធនឹងការវាយប្រហារនេះផងដែរ៕

កូរ៉េខាងជើងគំរាមជាថ្មីថា ខ្លួនត្រៀមបាញ់មីស៊ីលទៅក្បែរដែនកោះ Guam របស់អាមេរិកនៅពាក់កណ្តាលខែនេះ

v1

ក្រុងព្យុងយ៉ាង៖ កូរ៉េខាងជើងបានគំរាមជាថ្មីថា ខ្លួនត្រៀមបាញ់មីស៊ីលបួនគ្រាប់ទៅក្បែរដែនកោះ Guam របស់សហរដ្ឋអាមេរិកនៅពាក់កណ្តាលខែសីហានេះ ខណៈសង្គ្រាមពាក្យសំដីជាមួយរដ្ឋាភិបាលក្រុងវ៉ាស៊ីនតោនកើនកម្តៅឡើងកាន់តែខ្លាំង។


ប្រព័ន្ធផ្សព្វផ្សាយ KCNA ដែលជាស្ថាប័នព័ត៌មានគ្រប់គ្រងដោយរដ្ឋាភិបាលកូរ៉េខាងជើងបានរាយការណ៍ថា គ្រាប់រ៉ុក្កែត Hwasong-12 នឹងហោះកាត់ពីលើប្រទេសជប៉ុន ហើយធ្លាក់ចូលក្នុងមហាសមុទ្រប៉ាស៊ីហ្វិកចម្ងាយប្រហែល៣០គីឡូម៉ែត្រពីដែនកោះ Guam របស់សហរដ្ឋអាមេរិក ប្រសិនបើផែនការនេះត្រូវបានលោក គីម ជុងអ៊ុនបើកភ្លើងខៀវនោះ។


កូរ៉េខាងជើងបានធ្វើការគំរាមសាជាថ្មីនេះដើម្បីឆ្លើយតបនឹងជំហព្រមានរបស់លោកដូណាល់ ត្រាំ ដែលនៅតែលើកឡើងដដែលថានឹងឲ្យកូរ៉េខាងជើងភ្លក់រស់ជាតិនៃការវាយប្រហារដែលពិភពលោកមិនដែលធ្លាប់ឃើញពីមុនមក ប្រសិនប្រើប្រទេសនេះនៅតែគំរាមវាយប្រហារសហរដ្ឋអាមេរិកដោយគ្រាប់នុយគ្លេអ៊ែរតទៅមុខទៀត។


កូរ៉េខាងជើងបានចាត់ទុកការព្រមានរបស់លោកដូណាល់ ត្រាំ ថា “គ្មានហេតុផលទាល់តែសោះ” ហើយគឺជាសកម្មភាពដែលមានន័យស្នើនឹងការ “បញ្ចប់របបរបស់ខ្លួន”។


កាលពីម្សិលមិញកូរ៉េខាងជើងបានប្រកាសថា ខ្លួនកំពុងពិចារណាផែនការបាញ់មីស៊ីលកម្ទេចដែនកោះ Guam ដែលជាទីតាំងសម្រាប់មូលដ្ឋានយោធាសហរដ្ឋអាមេរិក ដោយមានប្រជាពលរដ្ឋប្រហែល១៦៣.០០០នាក់កំពុងរស់នៅ។


នៅក្នុងសេចក្តីថ្លែងការលើកទីពីរដែលបញ្ចេញដោយប្រព័ន្ធផ្សព្វ KCNA យោធាកូរ៉េខាងជើងបានលើកឡើងថា “ផែនការបាញ់មីស៊ីលនឹងអនុវត្តនៅពាក់កណ្តាលខែសីហានេះ” បើលោក គីម ជុនអ៊ុន សម្រេចបើកផ្លូវ។

 

នៅក្នុងសេចក្តីថ្លែងការណ៍ជាលើកទីពីរដដែលនេះ កូរ៉េខាងជើងក៏បានលើកឡើងផងដែរថា សម្រាប់បុគ្គល ដូចលោក ដូណាល់ ត្រាំ ការចរចាគឺមិនអាចទៅរួចទេ ហើយមានតែប្រើកម្លាំងយោធាទេ ទើបអាចនិយាយជាមួយគាត់បាន។


ជាការឆ្លើយតបនឹងការព្រមានម្តងទៀតរបស់កូរ៉េខាងជើង លោកដូណាល់ ត្រាំ ក៏បានបោះពាក្យសំដីវិញផងដែរថា ឃ្លាំងអាវុធរបស់សហរដ្ឋអាមេរិកមានគ្រាប់នុយគ្លេអ៊ែរច្រើនជាងពេលណាៗទាំងអស់៕

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

ព័ត៌មានជាតិ​ពេល​យប់​


អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2