vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

ពលរដ្ឋអាមេរិកមួយចំនួននាំគ្នាតវ៉ា បន្ទាប់ពីលោកដូណាល់ ត្រាំ សម្រេចដកខ្លួនចេញពីកិច្ចព្រមព្រៀងអាកាសធាតុ

v9

សហរដ្ឋអាមេរិក៖ ពលរដ្ឋអាមេរិកមួយចំនួនបាននាំគ្នាតវ៉ាប្រឆាំងនឹងការសម្រេចរបស់លោកដូណាល់ ត្រាំក្នុងការដកសហរដ្ឋអាមេរិកចេញពីកិច្ចព្រមព្រៀងពិភពលោកឆ្នាំ២០១៥ស្តីពីការប្រយុទ្ធប្រឆាំងនឹងបម្រែលបម្រួលអាកាសធាតុ។


នៅក្នុងទីក្រុងញូវយ៉ក មានមនុស្សមួយចំនួនបាននាំគ្នាហែក្បួនតាមផ្លូវ ដោយខ្លះស្រែក និងខ្លះកាន់បដាតវ៉ា។


ចំណែកនៅក្នុងទីក្រុងវ៉ាស៊ីងតោន មានមនុស្សមួយចំនួនធំបានតវ៉ានៅខាងក្រៅសេតវិមាន ជាមួយសកម្មជនការពារបរិស្ថាន ដែលថ្កោលទោសយ៉ាងខ្លាំងចំពោះសេចក្តីសម្រេចរបស់លោក ដូណាល់ត្រាំនេះ។


ចំណាត់ការរបស់លោក ដូណាល់ ត្រាំ គឺធ្វើឡើងដើម្បីបំពេញតាមការសន្យាអំឡុងពេលឃោសនាកាលពីឆ្នាំមុន ប៉ុន្តែបានទទួលរងការរិះគន់និងការថ្កោលយ៉ាងខ្លាំងពីសំណាក់ប្រទេសដែលជាសម្ព័ន្ធមិត្តរបស់សហរដ្ឋអាមេរិកដែលកំពុងរួមដៃគ្នាប្រយុទ្ធប្រឆាំងនឹងការឡើងកម្តៅនៃភពផែនដី។


លោកប្រធានាធិបតី ដូណាល់ ត្រាំ បានឆ្លើយតបចំពោះអ្នករិះគន់ថា លោកត្រូវបានបោះឆ្នោតដើម្បីធ្វើជាតំណាងពលរដ្ឋអាមេរិក មិនមែនជាតំណាងពលរដ្ឋបារាំងទេ ហើយថាអ្វីដែលលោកធ្វើគឺដើម្បីជួយកម្មករដែលកំពុងជួបការលំបាកដោយសារការប្រែប្រួលនៃសេដ្ឋកិច្ចរបស់សហរដ្ឋអាមេរិក។


ការសម្រេចរបស់លោកដូណាល់ ត្រាំ ក្នុងការដកខ្លួនចេញពីកិច្ចព្រមព្រៀងក្រុងប៉ារីសនេះ កើតមានឡើងក្រោយពេលមានការពិភាក្សាក្សាផ្ទៃក្នុង ដែលអំឡុងពេលនោះកូនស្រីរបស់ប្រធានាធិបតីរូបនេះ ឈ្មោះ Ivanka Trump ក៏បានជំរុញស្ងាត់ៗឲ្យឪពុករបស់ខ្លួនរក្សាសហរដ្ឋអាមេរិកនៅក្នុងកិច្ចព្រមព្រៀងនេះដែរ ប៉ុន្តែនៅតែមិនបានសម្រេច៕

ការបំផ្ទុះរថយន្តដ៏កម្រនៅអារ៉ាប៊ីសាអូឌីតបណ្តាលឲ្យមនុស្សពីរនាក់ស្លាប់

v8

អារ៉ាប៊ី សាអូឌីត៖ ការបំផ្ទុះដ៏កម្រនៅក្នុងទីក្រុង Qatif ប្រទេសអារ៉ាប៊ីសាអូឌីត សម្លាប់មនុស្សពីរនាក់កាលពីថ្ងៃម្សិលមិញ។


យោងតាមសេចក្តីការណ៍ដំបូងរបស់ទូរទស្សន៍ Al-Arabiya បានបង្ហាញថា ជនរងគ្រោះដែលបានស្លាប់ គឺជាអ្នកដែលកងសន្តិសុខរបស់ប្រទេសអារ៉ាប៊ីសាអូឌីត កំពុងតាមចាប់ខ្លួន ។


ទូរទស្សន៍ Al-Arabiya បានឲ្យដឹងបន្តថា ការបំផ្ទុះនេះបានកើតឡើងដោយសាររថយន្តបំផ្ទុះគ្រាប់បែក ហើយបើយោងតាមរូបភាពវីដេអូដែលទូរទស្សន៍នេះបង្ហោះនៅលើគេហទំព័ររបស់ខ្លួន បានបង្ហាញពី អណ្តាតភ្លើងកំពុងឆាបឆេះនិងមានផ្សែងហុយយ៉ាងខ្មួលខ្មាញ់ហោះឡើងទៅលើអាកាសចេញពីដងផ្លូវ។


អ្នករស់នៅតំបន់នោះម្នាក់ ដែលទីភ្នាក់ពត៌មានរ៉យទ័របានទាក់ទងតាមទូរស័ព្ទ បានអោយដឹងថា គាត់បានឭសំឡេងផ្ទុះយ៉ាងខ្លាំងនិងបានឃើញផ្សែងខ្មៅហោះឡើងទៅលើ នៅតំបន់ដែលនគរបាលបានបិទមិនអោយមានការចេញចូល។


អាជ្ញាធរអារ៉ាប៊ី សាអូឌីត មិនអាចទាក់ទងដើម្បីសុំការធ្វើអត្ថាធិប្បាយបានទេ។


សូមបញ្ជាក់ថា ហេតុការណ៍បំផ្ទុះគ្រាប់បែកបែបនេះ កម្រកើតមានណាស់នៅក្នុងប្រទេសអារ៉ាប៊ី សាអូឌីត ទោះបីជាពលរដ្ឋភាគច្រើននៅក្នុងប្រទេសនេះជាអ្នកកាន់សាសនាអ៊ិស្លាមក៏ដោយ៕

ខ្មាន់កាំភ្លើងចូលប្លន់កាស៊ីណូនៅហ្វីលីពីនបណ្តាលឲ្យមនុស្ស៣៤នាក់ស្លាប់

v3

ក្រុងម៉ានីល៖ មនុស្សយ៉ាងតិច៣៤នាក់បានស្លាប់នៅក្នុងកាស៊ីណូ Resorts World Manila ក្នុងទីក្រុងម៉ានីល បន្ទាប់ពីខ្មាន់កាំភ្លើងម្នាក់បានបើកការបាញ់ប្រហាររួចដុតបំផ្លាញក្នុងហេតុការណ៍ដែលគេសន្និដ្ឋានថា ជាអំពើប្លន់។


យោងតាមប្រព័ន្ធផ្សព្វផ្សាយក្នុងស្រុកនៅក្នុងទីក្រុងម៉ានីលបានឲ្យដឹងថា អ្នកស្លាប់ភាគច្រើនទំនងជាថប់ដង្ហើមដោយសារផ្សែងហ៊ុយខ្លាំង ក្រោយពេលខ្មាន់កាំភ្លើងដុតបំផ្លាញតុល្បែងនៅក្នុងកាស៊ីណូ។


ប្រព័ន្ធផ្សព្វផ្សាយដដែលបានលើកឡើងបន្តថា ខ្មាន់កាំភ្លើងបានបាញ់កម្ទេចទូរទស្សន៍ដោយប្រើកាំភ្លើងវែងនៅក្នុងកាស៊ីណូ Resorts World Manila នៅពេលខ្មាន់កាំភ្លើងរូបនេះសម្រុកចូលកាស៊ីណូក្រោយពាក់កណ្តាលអាធ្រាត្របន្តិច ។


នគរបាលបាននិយាយថា ខ្មាន់កាំភ្លើងដែលធ្វើសកម្មភាពតែម្នាក់ឯងរូបនេះ ក្រោយមកបានដុតខ្លួនឯងនៅក្នុងបន្ទប់មួយ ពេលដឹងថា រត់ទៅណាមិនរួច។


ដំបូងឡើយអាជ្ញាធរលើកឡើងថា គ្មានអ្នកស្លាប់នោះទេ ប៉ុន្តែស្រាប់តែប្រទះឃើញអ្នកស្លាប់រដូករណែល និងអ្នករងរបួសជាច្រើន ពេលសម្រុកចូលទៅខាងក្នុងកាស៊ីណូនៅនាទីចុងក្រោយ ហើយថា ហេតុការណ៍នេះទំនងជាអំពើប្លន់ច្រើនជាងអំពើភេរវកម្ម ព្រោះពេលធ្វើសកម្មភាពខ្មាន់កំាភ្លើងរូបនេះបានប្រមូលកាក់ដែលមានតម្លៃសរុបប្រហែល២,៣លានដុល្លារដាក់ចូលក្នុងសាក់កាដូមួយ។


ខ្មាន់កាំភ្លើងរូបនេះ ដែលនគរបាលមិនទាន់ប្រាប់អត្តសញ្ញាណនោះ បានរត់ទៅកន្លែងផ្នែកសណ្ឋាគារ ក្រោយប្រមូលកាក់រួច ហើយបានចូលទៅក្នុងបន្ទប់មួយ។


លោក Ronald Dela Rosa ស្នងការក្រុងម៉ានីល បាននិយាយថា ខ្មាន់កាំភ្លើងបានដេកស្លាប់លើគ្រែ ក្នុងរូបភាពទំនងជាយកកន្សែងរុំខ្លួនឯងរួចចាក់សាំងដុតធ្វើអត្តឃាតតែម្តង ប៉ុន្តែកាស៊ីណូ Resorts World Manila បានលើកឡើងនៅក្នុងសេចក្តីថ្លែងការណ៍មួយថា បុរសរូបនេះក៏ទំនងជាបាញ់ខ្លួនឯងដែរ បន្ទាប់ពីចាក់សាំងដុតខ្លួនធ្វើអត្តឃាត។


សូមបញ្ជាក់ថា ហេតុការណ៍ដ៏រន្ធត់នេះ កើតឡើងស្របពេលរដ្ឋាភិបាលរបស់លោកប្រធានាធិបតី រ៉ូទ្រីហ្គោ ឌុយទើតេកំពុងបោសសម្អាតក្រុមអ៊ិស្លាមជ្រុលនិយមដែលមានទំនាក់ទំនងជាមួយក្រុមអាយស៊ីសនៅក្នុងក្រុង Marawi ដែលស្ថិតនៅភាគខាងត្បូងប្រទេសហ្វីលីពីន៕

ប្រេស៊ីលរឹបអូសបានអាវុធរាប់សិបដើមដែលដឹកតាមយន្តហោះចេញពីសហរដ្ឋអាមេរិក

v1

ប្រេស៊ីល៖ នគរបាលនៅអាកាសយានដ្ឋានអន្តរជាតិក្នុងទីក្រុង Rio de Janeiro រឹបអូសបានអាវុធរាប់សិបដើម ដែលដឹកតាមយន្តហោះចេញពីសហរដ្ឋអាមេរិកនៅក្នុអ្វីដែលចាត់ទុកថា ជាចំនួនច្រើនបំផុតមិនធ្លាប់មាននៅប្រេស៊ីល។


អាជ្ញាធរប្រេស៊ីលជឿជាក់ថា ការដឹកជញ្ជូនអាវុធទាំងនេះគឺជាផ្នែកនៃប្រតិបត្តិការរត់ពន្ធអាវុធអន្តរជាតិនៅក្នុងផែនការដ៏សម្ងាត់។


យោងតាមសេចក្តីរាយការណ៍ព័ត៌មានបានឲ្យដឹងថា អាវុធទាំងនេះ គឺជាកាំភ្លើងប្រភេទវែងដែលមានចំនួនប្រហែល៦០ដើម ហើយត្រូវបានរកឃើញនៅក្នុងឡាំងដ៏ធំមួយបង្កប់ជាមួយម៉ាស៊ីនដែលធ្វើឲ្យទឹកក្តៅនៅក្នុងអាងទឹក។


សេចក្តីរាយការណ៍ព័ត៌មានដដែលនេះបានឲ្យដឹងបន្តថា អាវុធទាំងនេះត្រូវបានដឹកចេញតាមជើងហោះហើរមួយចេញពីទីក្រុង Miami សហរដ្ឋអាមេរិក ហើយថាមានមនុស្សបួននាក់ត្រូវបានចាប់ខ្លួនដោយសារមានជាប់ពាក់ព័ន្ធនឹងអាវុធទាំងនេះ ខណៈនគរបាលកំពុងស៊ើបអង្កេតរកមេខ្លោង។


សូមបញ្ជាក់ថា កាំភ្លើងទាំងនេះត្រូវបានរាយការណ៍ថា មានប្រភេទដូចជា AK-47 និង AR-15 ជាដើម ហើយវានឹងត្រូវបាននគរបាលប្រើស៊ីលយកទៅរក្សាទុកដើម្បីប្រើប្រាស់ក្នុងប្រតិបត្តិបង្ក្រាបបទល្មើសផ្សេងៗ ដើម្បីកាត់បន្ថយការចំណាយថវិការជាតិ៕

បុរសម្នាក់ព្យាយាមចូលទៅកាន់កន្លែងអ្នកបើកយន្តហោះ របស់ម៉ាឡេស៊ី ប៉ុន្តែត្រូវបានរារាំងទាន់ពេល

v12

អូស្ត្រាលី៖ បុរសម្នាក់បានព្យាយាមចូលទៅកាន់កន្លែងអ្នកបើកយន្តហោះ របស់ម៉ាឡេស៊ី ប៉ុន្តែត្រូវបានរារាំងទាន់ ហើយត្រូវបានកងសន្តិសុខនាំគ្នាចាប់បញ្ជូនចេញមកក្រៅ ក្រោយពេលយន្តហោះបានចុះចតដោយសុវត្ថិភាពនៅក្នុងទីក្រុង Melbourne ប្រទេសអូស្រ្តាលី។


ជើងហោះហើររបស់ក្រុមហ៊ុនអាកាសចរណ៍ម៉ាឡេស៊ីនេះ បានចេញដំណើរពីទីក្រុង Melbourne ទៅកាន់ទីក្រុង Kuala Lumpur កាលពីម្សិលមិញ ប៉ុន្តែបានហោះត្រលប់ទៅកាន់អាកាសយាន្តដ្ឋាន Tullamarine ក្នុងប្រទេសអូស្ត្រាលីវិញភ្លាមៗ បន្ទាប់ពីហោះចាកចេញបានបន្តិច ដោយសារតែជួបហេតុការណ៍នេះ។


សាក្សីម្នាក់បានប្រាប់ទីភ្នាក់ងារពត៌មានរ៉យទ័រថា អ្នកដំណើរនិងសមាជិកអាកាសយានិក នៅក្នុងជើងហោះហើរលេខ MH128 បាននាំគ្នាចាប់បុរសរូបនោះចង ភ្ជាប់ជាមួយខ្សែក្រវាត់កៅអីសុវត្ថិភាពរហូតទាល់តែដល់ពេលចុះចត។


យន្តហោះនេះបានចុះចតដោយសុវត្ថិភាព ហើយបុរសរូបនោះត្រូវបានចាប់បញ្ជូនចេញពីយន្តហោះដោយកងសន្តិសុខប្រចាំអាកាសយាន្តដ្ឋាន នេះបើយោងតាមការឲ្យដឹងពីក្រុមហ៊ុនអាកាសចរណ៍ម៉ាឡេស៊ី ដែលទើបតែបានប្រសើរឡើងពីហេតុការណ៍ធំៗចំនួនពីរលើកនៅក្នុងរយៈពេលប៉ុន្មានឆ្នាំថ្មីៗនេះ។


នគរបាលអូស្ត្រាលីបានអោយដឹងថា ហេតុការណ៍សម្រុកចូលទៅកន្លែងអ្នកបើកបរនេះ មិនមានពាក់ព័ន្ធនឹងក្រុមភរវករណាមួយឡើយ ហើយបុរសរូបនោះដែលមានអាយុ២៥ឆ្នាំ ជាជនជាតិអូស្ត្រាលី ត្រូវបាននាំខ្លួនទៅឃុំឃាំងបណ្តោះអាសន្នដើម្បីរង់ចាំការស៊ើបអង្កេត។


សូមបញ្ជាក់ថា ជើងហោះហើរ MH128 បានចេញដំណើរនៅម៉ោង ១១និង១១នាទីយប់ ហើយបានហោះបកត្រលប់ក្រោយនៅម៉ោង ១១និង៤១នាទី បន្ទាប់ពីជំនួយការអ្នកបើកបរបានប្រាប់អ្នកកំពុងបើកយន្តហោះថា មានអ្នកដំណើរម្នាក់ព្យាយាមចូលទៅកាន់កន្លែងបើកបរ៕

កងទ័ពអាកាសហ្វីលីពីនទម្លាក់គ្រាប់ត្រូវគ្នាឯងបណ្តាលឲ្យទាហាន១០នាក់ស្លាប់នៅក្នុងក្រុង Marawi

v11

ហ្វីលីពីន៖ កងទ័ពអាកាសហ្វីលីពីនបានទម្លាក់គ្រាប់ត្រូវគ្នាឯងបណ្តាលឲ្យទាហាន១០នាក់ស្លាប់ ពេលព្យាយាមបោសសម្អាតសមាជិកកងជីវពលដែលមានទំនាក់ទំនងជាមួយក្រុមអាយស៊ីសនៅក្នុងក្រុង Marawi ។


លោក Delfin Lorenzana ដែលជាមន្ត្រីជាន់ខ្ពស់នៅក្រួសួងការពារជាតិហ្វីលីពីនបានឲ្យដឹងថា ហេតុការណ៍ទម្លាក់គ្រាប់ត្រូវចំគ្នាឯនេះ ក៏បានបណ្តាលឲ្យទាហាន៨នាក់ផ្សេងទៀតរងរបួសផងដែរកាលពីថ្ងៃពុធ។


កាលពីសប្តាហ៍មុន កងជីវពល Maute ដែលមានទំនាក់ទំនងជាមួយក្រុមអាយស៊ីសបានបើកប្រតិបត្តិការប្រយុទ្ធគ្នាជាមួយកងទ័ពរដ្ឋាភិបាលដោយធ្វើឲ្យមនុស្សជាង១០០នាក់បានបាត់បង់ជីវិត។


ការបើកប្រតិបត្តិការវាយប្រហារនេះផ្ទុះឡើងដោយសារកងទ័ពរដ្ឋាភិបាលហ្វីលីពីនបានព្យាយាមតាមចាប់មេដឹកនាំកំពូលម្នាក់របស់ក្រុមកងជីវពលនេះ។


លោក Delfin Lorenzana បានឲ្យដឹងបន្តថា រដ្ឋាភិបាលមានការសោកស្តាយយ៉ាងខ្លាំងចំពោះការទម្លាក់គ្រាប់ខុសគោលដៅត្រូវគ្នាឯនេះ ហើយបានប្តេជ្ញាថា នឹងមិនធ្វើឲ្យកំហុសឆ្គងនេះកើតឡើងម្តងទៀតឡើយ។


លោកប្រធានាធិបតី Rodrigo Duterte បានប្រកាសឲ្យប្រើច្បាប់អាជ្ញាសឹកនៅទូទាំងកោះ Mindanao កាលពីសប្តាហ៍មុន ហើយចាប់តាំងពីពេលនោះមក កងទ័ពហ្វីលីពីនបានបើកយុទ្ធនាការវាយកម្ទេចដោយប្រើទាំងកងទ័ពថ្មើជើងនិងកងទ័ពអាកាសដើម្បីវាយបណ្តេញក្រុមកងជីវពល Maute ចេញពីក្រុង Marawi វិញ។


បន្ទាប់ពីបើកយុទ្ធនាការបោសសម្អាតពីផ្លូវមួយទៅផ្លូវមួយ ឥឡូវកងសន្តិសុខហ្វីលីពីនរំដោះបានក្រុង Marawi មកវិញហើយ ក្រោយពេលជម្លោះបានផ្ទុះឡើងកាលពីថ្ងៃទី២៣មក ប៉ុន្ទែកងទ័ពរដ្ឋាភិបាលជឿជាក់ថា ប្រហែលជានៅមានកងជីវពលអ៊ិស្លាម៣០នាក់ទៀតកំពុងលាក់ខ្លួនតាមកន្លែងក្រឡុកក្រលៀតនៅក្នុងក្រុង Marawi នេះ៕

អង្គការណាសាគ្រោងបាញ់បង្ហោះយានអវកាសចូលក្នុងស្រទាប់បរិយាកាសរបស់ព្រះអាទិត្យនៅឆ្នាំក្រោយ

v8

សហរដ្ឋអាមេរិក៖ អង្គការណាសាគ្រោងបាញ់បង្ហោះយានអវកាសដែលធន់នឹងកម្តៅចូលក្នុងស្រទាប់បរិយាកាសដ៏ក្តៅរបស់ព្រះអាទិត្យនៅឆ្នាំក្រោយសម្រាប់ការសិក្សាស្រាវជ្រាវ។


យោងតាមក្រុមអ្នកវិទ្យាសាស្ត្ររបស់អង្គណាសាបានឲ្យដឹងថា យានអវកាសដែលគេគ្រោងបាញ់បង្ហោះនៅឆ្នាំក្រោយនេះ នឹងហោះចូលទៅក្នុងស្រទាប់បរិយាកាសដ៏ក្តៅរបស់ព្រះអាទិត្យដើម្បីសិក្សាសថាតើភពឆេះកាលមួយនេះប្រែប្រួលកម្តៅយ៉ាងដូចម្តេច និងថា តើគួរធ្វើបែបណាដើម្បីព្យាករឲ្យបានល្អប្រសើរអំពីបម្រែបម្រួលអាកាសធាតុលើភពផែនដី។


យានអវកាសនេះ ដែលមានឈ្មោះ Parker Solar Probe អាចធន់នឹងកម្តៅបានរហូតដល់ទៅ១៣៧១ អង្សា ហើយវានឹងធ្វើដំណើរក្រឡឹងជុំវិញក្នុងចម្ងាយ៧លានគីឡូម៉ែត្រពីព្រះអាទិត្យ។


ទិន្នន័យដែលបញ្ជូនត្រឡប់មកភពផែនដីវិញក្នុងចំណាយ១,៤ ពាន់លានគីឡូម៉ែត្រ នឹងជួយអ្នកវិទ្យាសាស្ត្រក្នុងការស្វែងរកមូលហេតុថា តើហេតុអ្វីបានជាស្រទាប់បរិយាកាសរបស់ព្រះអាទិត្យក្តៅជាស្រទាប់ផ្នែកខាងក្រៅរបស់វា។


សូមបញ្ជាក់ថា បេសកម្មនេះ ដែលគេហៅជាផ្លូវការថា Solar Probe Plus ត្រូវបានអនុម័តនៅក្នុងឆ្នាំ២០១៤ ហើយវាត្រូវបានប្តូរឈ្មោះមក Parker Solar Probe កាលពីថ្ងៃពុធ ដើម្បីរំឮកដល់អ្នកវិទ្យាម្នាក់ឈ្មោះ Eugene Parker មកពីសាកលវិទ្យាល័យ Chicago៕

កេនយ៉ាសម្ពោធផ្លូវដែកមិនធ្លាប់មានក្រោមជំនួយឧបត្ថម្ភរបស់ចិន

v1

កេនយ៉ា៖ ប្រទេសកេនយ៉ាបានសម្ពោធដាក់ឲ្យប្រើប្រាស់ផ្លូវដែកដែលចំណាយទឹកប្រាក់សាងសង់អស់៣,២ពាន់លានដុល្លារក្រោមជំនួយឧបត្ថម្ភរបស់ចិន នៅក្នុងគម្រោងហេដ្ឋារចនាសម្ព័ន្ធធំបំផុតមិនធ្លាប់មាន ចាប់តាំងពីប្រទេសនេះទទួលបានឯករាជជាង៥០ឆ្នាំកន្លងមកនេះ។ 

 

យោងតាមប្រព័ន្ធផ្សព្វផ្សាយក្នុងស្រុកនៅក្នុងប្រទេសកេនយ៉ាបានឲ្យដឹងថា ផ្លូវដែកថ្មីនេះតភ្ជាប់ទីក្រុង Nairobi ទៅកាន់កំពុងផែ Mombasa ហើយវាជាផ្នែកនៃគោលនយោបាយ “ខ្សែក្រវាត់មួយ ផ្លូវមួយ” របស់ប្រទេសចិន ដែលមានគម្រោងចំណយទឹកប្រាក់រាប់ពាន់លានដុល្លារ ដើម្បីតភ្ជាប់ផ្លូវពាណិជ្ចកម្មទាំងផ្លូវគោកនិងផ្លូវទឹករវាងប្រទេសចិន តំបន់អឺរ៉ុប តំបន់អាស៊ី និងតំបន់អាហ្វ្រិក។


ទីបំផុតគេរំពឹងថា ផ្លូវដែកមួយខ្សែនេះនឹងភ្ជាប់ប្រទេសអ៊ូហ្គង់ដា រវ៉ាន់ដា ប៊ូរុនឌី សាធារណរដ្ឋប្រជាធិបតេយ្យកុងហ្គោ សូដង់ខាងត្បូង និងប្រទេសអេត្យូពី ទៅនឹងកំពុងផែ Mombasa ដើម្បីធ្វើឲ្យកំពុងផែនៅមហាសមុទ្រឥណ្ឌាមួយនេះអាចដើរតួជាទីតាំងមួយដ៏សំខាន់សម្រាប់តំបន់អាហ្រិកខាងកើតក្នុងការធ្វើពាណិជ្ជកម្មជាមួយប្រទេសចិន និងប្រទេសផ្សេងៗទៀត។


ផ្លូវដែកមួយខ្សែនេះនឹងកាត់បន្ថយរយៈពេលធ្វើដំណើរដែលធ្លាប់តែចំណាយពេល១២ម៉ោងលើផ្លូវដែកចម្ងាយ៤៧២គីឡូម៉ែត្រដែលសាងសង់ដោយអង់គ្លេសជាងមួយសតវត្សរ៍កន្លងមកនេះ មកនៅត្រឹមតែ៤ម៉ោងប៉ុណ្ណោះ។


សូមបញ្ជាក់ថា ផ្លូវដែកថ្មីក្រោមជំនួយឧបត្ថម្ភរបស់ចិននេះ កើតចេញពីការសន្យាអំឡុងយុទ្ធនាការឃោសនាឆ្នាំ២០១៣ របស់លោក ប្រធានាធិបតី Uhuru Muigai Kenyatta ហើយវាត្រូវបានដាក់ឈ្មោះថា "Madaraka Express" ៕

ជំនួយបន្ថែមបានទៅដល់តំបន់ដែលរងគ្រោះដោយសារទឹកជំនន់នៅស្រីលង្កា

v10

ស្រីលង្កា៖ ជំនួយបន្ថែមបានទៅដល់តំបន់រងគ្រោះដោយសារទឹកជំនន់នៅក្នុងប្រទេសស្រីលង្កា បន្ទាប់ពីឥណ្ឌាបានបញ្ជូនជំនួយមួយនាវាផ្សេងទៀតមកកាន់ប្រទេសនេះ។


កញ្ចប់អាហារនិងកញ្ចប់ជំនួយផ្សេងៗបានមកដល់ទីក្រុងកូឡុំបូ កាលពីម្សិលមិញ ហើយបន្ទាប់មកមានការបញ្ជូនបន្តទៅកាន់តំបន់ Matara ដែលជាស្រុកមួយក្នុងចំណោមស្រុកដែលរងផលប៉ះពាល់ខ្លាំងបំផុតនៅភាគខាងត្បូងប្រទេសស្រីលង្កា។

 

ទឹកជំនន់និងការបាក់ដីដែលកើតឡើងដោយសារភ្លៀងធ្លាក់យ៉ាងជោគជាំ ក្នុងរយៈពេលប៉ុន្មានថ្ងៃថ្មីៗនេះ បានបណ្តាលឲ្យមនុស្សប្រហែល២០០នាក់បានបាត់បង់ជីវិត និងធ្វើឲ្យពលរដ្ឋស្រីលង្កាប្រហែលកន្លះលាននាក់ផ្សេងទៀតបាត់បង់ផ្ទះសំបែង។


យោងតាមប្រព័ន្ធផ្សព្វផ្សាយក្នុងស្រុកនៅក្នុងប្រទេសស្រីលង្គាបានរាយការណ៍ថា គិតរហូតមកទល់ថ្ងៃពុធនេះនៅមានមនុស្សប្រហែល១០០នាក់ទៀតកំពុងបាត់ខ្លួននៅឡើយ ហើយថា មានមនុស្សរាប់ម៉ឺននាក់បានបង្ខំចិត្តទៅរស់នៅក្នុងជម្រកបណ្តោះអាសន្ន។

 

មន្ត្រីក្នុងជួររដ្ឋាភិបាលនិងជួរយោធា បានលើកឡើងថា កងទ័ពនិងកងទ័ពអាកាស ដែលប្រើទូកនិងឧទ្ធម្ភាគចក្រ បានទៅដល់តំបន់ដែលរងផលប៉ះពាល់ខ្លាំងបំផុតហើយ ប៉ុន្តែដោយសារតែភ្លៀងនៅតែបន្តធ្លាក់ហើយផ្លូវមិនអាចធ្វើដំណើរបាននោះ វាធ្វើឲ្យការងារចែកនិងទម្លាក់ជំនួយជួបការលំបាកនៅក្នុងតំបន់ខ្លះៗ៕

ប៉មតួអេហ្វែលបិទភ្លើង ដើម្បីរំឮកវិញ្ញាណក្ខន្ធអ្នកស្លាប់នៅទីក្រុងបាដាដ

v9

ក្រុងប៉ារីស៖ កាលពីយប់មិញ ប៉មតួអេហ្វែលបានបិទភ្លើង មុនពេលពាក់កណ្តាលយប់ ដើម្បីរំឮកវិញ្ញាណក្ខន្ធដល់ជនរងគ្រោះដែលបានស្លាប់ក្នុងហេតុការណ៍បំផ្ទុះគ្រាប់បែកនៅទីក្រុងបាដាដ ប្រទេសអីរ៉ាក់។


រថយន្តចំនួនពីរគ្រឿងបានធ្វើការបំផ្ទុះគ្រាប់បែកផ្ទួនៗគ្នា ដោយបណ្តាលអោយមនុស្សជាង២០នាក់បានស្លាប់ នៅក្នុងរដ្ឋធានីរបស់ប្រទេសអ៊ីរ៉ាក់ និងមានមនុស្សប្រហែល៨០នាក់ផ្សេងទៀតបានរងរបួស កាលពីព្រឹកថ្ងៃអង្គារ។


ការបំផ្ទុះមួយនាពេលយប់មានគោលដៅទៅលើក្រុមមនុស្សកាន់សាសនាមូស្លីម ដែលនាំគ្នាចេញមកទិញរបស់របរនិងទទួលទានអាហារត្រៀមសំរាប់ការតបអាហារនៅថ្ងៃបន្ទាប់ អំឡុងពេលប្រារព្ធពិធីបុណ្យ Ramadan។


ក្រុមរដ្ឋអ៊ីស្លាមអាយស៊ីស ដែលគេដឹងថា ប្រតិបត្តិតាមសាសនាអ៊ីស្លាមនិកាយ Sunni បានគ្រប់គ្រងផ្នែកមួយចំនួន នៅក្នុងប្រទេសអ៊ីរ៉ាក់និងស៊ីរី ហើយបានអះអាងចំពោះការវាយប្រហារទាំងពីរលើកនេះ នៅក្នុងសេចក្តីថ្លែងការណ៍មួយចេញដោយទីភ្នាក់ងារពត៌មាន Amaq។


រថយន្តមួយគ្រឿងដែលផ្ទុកទៅដោយគ្រឿងផ្ទុះ ត្រូវបានបំផ្ទុះឡើងនៅក្បែរហាងការ៉េមដ៏មានប្រជាប្រិយភាពមួយកន្លែង នៅក្នុងខណ្ឌ Karrada ដោយបណ្តាលមនុស្ស១៣នាក់បានស្លាប់និង៤០នាក់ផ្សេងទៀតរងរបួសនៅពេលរំលងអាធ្រាត្រ។


ប៉ុន្មានម៉ោងក្រោយមក មានការបំផ្ទុះលើកទីពីរ ដែលបានសម្លាប់មនុស្សអស់១០នាក់ និងធ្វើឲ្យ៤៤នាក់ ផ្សេងទៀត រងរបួស នៅក្បែរការិយាល័យរបស់រដ្ឋាភិបាលក្នុងខណ្ឌ Karkh ។


សូមរំឮកថា ក្រុមរដ្ឋអ៊ីស្លាមអាយស៊ីស បានថមថយឥទ្ធិពលរបស់ខ្លួននៅក្នុងប្រទេសអ៊ីរ៉ាក់ ចាប់តាំងពីចុងឆ្នាំ២០១៥ ដោយសារកងកម្លាំងរដ្ឋាភិបាលអ៊ីរ៉ាក់ដែលគាំទ្រដោយសហរដ្ឋអាមេរិក និងក្រុមអ្នកកាន់សាសនាអ៊ីស្លាមនិកាយ Shi'ite បានរួមដៃគ្នាបើកប្រតិបត្តិការវាយកម្ទាត់ ហើយនៅពេលនេះ ពួកគេកំពុងត្រូវបានឡោមព័ទ្ធនៅភាគខាងជើងទីក្រុង Mosul ខណៈរដ្ឋាភិបាលអ៊ីរ៉ាក់កំពុងបើកប្រតិបត្តិការកម្ទេចបន្តទៀត៕

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

ព័ត៌មានជាតិ​ពេល​យប់​


អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2