vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

វៀតណាមផ្អាកការខួងយកឧស្ម័ននៅសមុទ្រចិនខាងត្បូង បន្ទាប់ពីចិនគំរាម

v1

ក្រុងហាណូយ៖ មានសេចក្តីរាយការណ៍ថា វៀតណាមបានសម្រេចផ្អាកការខួងយកឧស្ម័ននៅតំបន់មានជម្លោះក្នុងសមុទ្រចិនខាងត្បូង ក្រោយពេលមានការគំរាមយ៉ាងខ្លាំងពីប្រទេសចិន។


ប្រភពមួយនៅក្នុងឧស្សាហកម្មប្រេងនៃប្រទេសវៀតណាមបានប្រាប់បណ្តាញសារព័ត៌មាន BBC ថា ក្រុមហ៊ុន Repsol of Spain ដែលស្ថិតនៅពីក្រោយការខួងយកឧស្ម័ននៅសមុទ្រចិនខាងត្បូង ត្រូវបានបង្ខំឲ្យចាកចេញពីតំបន់មានជម្លោះនោះជាបន្ទាន់។


ហេតុការណ៍នេះ កើតមានឡើងត្រឹមតែប៉ុន្មានថ្ងៃប៉ុណ្ណោះ បន្ទាប់ពីមានការបញ្ជាក់ថា មានកន្លែងខួងយកឧស្ម័នដ៏ធំមួយនៅក្នុងសមុទ្រចិនខាងត្បូង។


យោងតាមប្រភពមួយបានង្ហើបឲ្យដឹងថា នាយកប្រតិបត្តិក្រុមហ៊ុន Repsol of Spain ត្រូវបានរដ្ឋាភិបាលក្រុងហាណូយជូនដំណឹងកាលពីសប្តាហ៍មុនថា ប្រទេសចិនបានគំរាមវាយប្រហារលើមូលដ្ឋានរបស់វៀតណាមនៅក្នុងតំបន់ប្រជុំកោះ Spratly ប្រសិនបើការខួងយកឧស្ម័ននៅតែបន្ត។


ប្រទេសចិនអះអាងសិទ្ធិកាន់កាប់ស្ទើរទាំងអស់លើដែនទឹកនៅសមុទ្រចិនខាងត្បូង ក្នុងនោះរួមមានតំបន់ថ្មប៉ប្រ៉ះទឹក និងប្រជុំកោះដែលប្រទេសមួយចំនួនទៀតក៏អះអាងសិទ្ធិកាន់កាប់ផងដែរនោះ។


គម្រោងខួងយកឧស្ម័ននេះ បានចាប់ផ្តើមកាលពីខែមុន នៅក្នុងតំបន់សមុទ្រ ដែលមានចម្ងាយប្រហែល៤០០គីឡូម៉ែត្រ ពីភាគអាគ្នេយ៍នៃសមុទ្រវៀតណាម។


ប្រទេសវៀតណាមបានហៅតំបន់សមុទ្រនោះថា ប្លុក136-03 ហើយបានជួលវាទៅឲ្យក្រុមហ៊ុន Talisman-Vietnam ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន Repsol of Spain។


រីឯប្រទេសចិនវិញបានហៅតំបន់នេះថា ជាតំបន់ Wanan Bei-21 ហើយក៏បានជួលបាតសមុទ្រនៃតំបន់នេះទៅឲ្យក្រុមហ៊ុនមួយផ្សេងទៀតផងដែរ។


អ្នកវិភាគម្នាក់ដែលស្នើសុំមិនបញ្ចេញឈ្មោះ បានប៉ាន់ប្រមាណថា ក្រុមហ៊ុនRepsol of Spain បានចំណាយប្រាក់អស់ប្រហែល៣០០លានដុល្លារលើគម្រោងខួងយកឧស្ម័នដែលត្រូវបានផ្អាកនេះ៕

មន្ត្រីកាតាថា អេមីរ៉ាត អារ៉ាប់រួម នៅពីក្រោយការហ៊ែកចូលទីភ្នាក់ងារព័ត៌មានជាតិរបស់ខ្លួន

v7

ក្រុងដូហា៖ មន្ត្រីកាតា បានចោទប្រកាន់ប្រទេសអេមីរ៉ាត អារ៉ាប់រួមថា នៅពីក្រោយការហ៊ែកចូលទីភ្នាក់ងារព័ត៌មានជាតិរបស់ខ្លួនកាលពីខែឧសភា។


លោក Ali Mohammed al-Mohannadi ប្រធានគ្រប់គ្រងផ្នែកបច្ចេកវិទ្យានៅក្រសួងមហាផ្ទៃកាតា បានថ្លែងអំឡុងសន្និសីទកាសែតនៅក្នុងទីក្រុងដូហាថា ភស្តុតាងប្រមូលបានដោយមន្ត្រីជំនាញមកពីក្រសួងរបស់លោក បានបង្ហាញថា IP ដែលហ៊ែកចូលទីភ្នាក់ងារព័ត៌មានជាតិកាតា កាលពីថ្ងៃទី២៤ ខែឧសភា គឺជា IP ដែលមានមូលដ្ឋានចេញពីប្រទេសអេមីរ៉ាត អារ៉ាប់រួម ហើយត្រូវបានប្រើប្រាស់ដោយអ្នកដែលមានជំនាញខ្លាំង។


ទោះជាយ៉ាងណាលោក al-Mohannadi មិនបានបញ្ជាក់ពីអត្តសញ្ញាណរបស់ហ៊ែកឃឺរូបនោះឡើយ ដោយលើកឡើងត្រឹមតែថា ជននេះមានមន្ត្រីជ្រោមជ្រែងពីក្រោយប៉ុណ្ណោះ។


លោកបានបញ្ជាក់បន្ថែមថា យោងតាមការស៊ើបអង្កេតបានបង្ហាញថា ហ៊ែកឃឺរូបនោះ បានឃ្លាំមើលបណ្តាញរបស់ទីភ្នាក់ងារព័ត៌មានជាតិកាតាតាំងពីដើមខែមេសាមកម្ល៉េះ ដើម្បីរកចន្លោះប្រហោងហ៊ែកចូល។


ការចោទប្រកាន់របស់ប្រទេសកាតាលើអីម៊ីរ៉ាត អារ៉ាប់រួមនេះ បានបន្ថែមកម្តៅបន្ថែមទៀតលើជម្លោះដែលកំពុងមានស្រាប់រវាងកាតា និងប្រទេសតំបន់អារ៉ាប់មួយចំនួនទៀត ដូចជាប្រទេស អារ៉ាប៊ី សាអូឌីត អេមីរ៉ាត អារ៉ាប់រួម បារ៉ែន និងអេហ្ស៊ីបជាដើម ពាក់ព័ន្ធការចោទប្រកាន់ដែលថា កាតាជួយផ្តល់ហិរញ្ញវត្ថុដល់ក្រុមភេរវករ ជាការចោទប្រកាន់ដែលកាតាបដិសេធយ៉ាងដាច់អហង្កា៕

គ្រោះរញ្ជួយដីបង្ករជាទឹកជំនន់វាយប្រហារកោះ Kos នៅក្នុងប្រទេសក្រិក

v4

ក្រិក៖ គ្រោះរញ្ជួយដីបង្ករជាទឹកជំនន់ វាយប្រហារប្រទេសក្រិកបណ្តាលអោយមនុស្ស២នាក់ស្លាប់ និងមួយចំនួនទៀតរងរបួស។


យោងតាមរូបភាពវីដេអូបានបង្ហាញថា ទឹកជំនន់កំពុងជោរជន់ឡើងនៅតាមផ្លូវលើកោះរបស់ប្រទេសក្រិចគឺកោះ Kos ដែលជាតំបន់ទេសចរណ៍ដ៏មានប្រជាប្រិយភាព កាលពីព្រឹកមិញនេះ ក្នុងនោះគេក៏ឃើញមានការខូចខាតអគារផងដែរដោយសារមានគ្រោះរញ្ជួយដី កំរិត៦,៧ រ៉ិចទ័រនៅជិតខេត្តជាប់ព្រំដែនក្រិក-តួកគី។


គ្រោះរញ្ជួយដីនេះកើតឡើងនៅម៉ោង១និង៣១នាទីរំលងអាធ្រាត្រ ចេញពីភាគនិរតីនៃតំបន់ឆ្នេរក្នុងទីក្រុង Marmaris ខេត្ត Mugla ដែលស្ថិតនៅក្បែរក្រុង Bodrum និងក្រុង Datca របស់ប្រទេសតួកគី។


អភិបាលគ្រប់គ្រងកោះ Kos លោក George Kyritsis បានប្រាប់ទីភ្នាក់ងារពត៌មានរ៉យទ័រថា យ៉ាងហិចណាស់ មានមនុស្ស២នាក់បានស្លាប់នៅលើកោះនេះ ហើយមានមួយចំនួនទៀតរងរបួសដោយសារគ្រោះរញ្ជួយដី។


ភ្នាក់ងារពន្លត់អគ្គិភ័យក្រិកបាននិយាយថា ក្រុមការងាររបស់ខ្លួនជួយសង្គ្រោះជនរងគ្រោះបានចំនួនបីនាក់ ពីអគារដែលរងការខូចខាត។


រីឯទីភ្នាក់ងារអង្កេតតាមដានគ្រោះរញ្ជួយដីតំបន់អ៊ឺរ៉ុបបានលើកឡើងថា ព្យុះស៊ូណាមិតូចមួយដែលបានកើតឡើង គឺអាចបណ្តាលមកពីគ្រោះរញ្ជួយដីនេះ ហើយប្រព័ន្ធផ្សព្វផ្សាយតួកគីក៏បានរាយការណ៍ថា មានទឹករលកធំៗផងដែរ អំឡុងពេលនោះ៕

កិច្ចព្រមព្រៀងថ្មីនឹងអនុញ្ញាតឲ្យអាមេរិកអាចនាំចេញអង្ករទៅប្រទេសចិនបាន

v3

អាមេរិក-ចិន៖ ប្រទេសចិន ដែលជាប្រទេសត្រូវការអង្កច្រើនជាងគេលើពិភពលោក បានព្រមព្រៀងអនុញ្ញាតឲ្យនាំចូលអង្ករពីសហរដ្ឋអាមេរិកជាលើកដំបូង។


កិច្ចព្រមព្រៀងនេះ បានបើកឱកាសឲ្យកសិករនៅសហរដ្ឋអាមេរិកអាចវាយលុកទីផ្សារមកកាន់ប្រទេសចិន ដែលនាំចូលអង្កប្រហែល៥លានតោនកាលពីឆ្នាំមុន បាន។


កិច្ចព្រមព្រៀងនេះផងដែរកើតមានឡើង ក្រោយមានការពិភាក្សាគ្នារវាងប្រទេសទាំងពីរ ដែលមិនសូវជាទទួលបានលទ្ធផលល្អប្រសើរនៅក្នុងបញ្ហាផ្សេងៗនោះ។


ប្រទេសចិនបានបើកចំហទីផ្សារអង្ករបស់ខ្លួនម្តងរួចមកហើយកាលពីឆ្នាំ២០០១ ប៉ុន្តែបានបិទទៅវិញដោយសារ អ្នកនាំចូលអង្ករមិនបានគោរពតាមកិច្ចសន្យា។


អង្គការតំណាងឧស្សាហកម្មស្រូវអង្ករសហរដ្ឋអាមេរិក បានលើកឡើងថា កិច្ចព្រមព្រៀងថ្មីនេះបានរឹតបន្តឹងយ៉ាងខ្លាំងឲ្យកសិករសហរដ្ឋអាមេរិកគោរពតាមកិច្ចសន្យាឲ្យបានត្រឹមត្រូវ ពោលគឺត្រូវផលិតអង្ករដែលមានគុណភាពមុនពេលនាំចេញទៅកាន់ប្រទេសចិន ហើយថាប្រទេសចិនក៏នឹងបញ្ជូនក្រុមការងារមកចុះពនិត្យផ្ទាល់ដល់កន្លែងផងដែរ។


មន្ត្រីសហរដ្ឋអាមេរិក និង អង្កការតំណាងឧស្សាហកម្មស្រូវអង្ករសហរដ្ឋអាមេរិកបានលើកសរសើរយ៉ាងខ្លាំងដល់កិច្ចព្រមព្រៀងនេះ ហើយថា វាជាជោគជ័យដ៏ធំសម្រាប់សហរដ្ឋអាមេរិក។


ទោះជាយ៉ាងណា ប្រទេសទាំងពីរមិនបានចេញសេចក្តីថ្លែងការណ៍រួមណាមួយឡើយ ក្រោយកិច្ចពិភាក្សា និងថែមទាំងបានលុបចោលគម្រោងធ្វើសន្និសីទរួមគ្នាទៀតផង។


យោងតាមការសិក្សាស្រាវជ្រាវមួយបានបង្ហាញថា នៅក្នុងប្រទេសចិនមនុស្សម្នាក់នឹងត្រូវការអង្ករជាមធ្យម៧៥គីឡូក្រាមក្នុងមួយឆ្នាំនៅឆ្នាំ២០២៤ រីឯនៅអាមេរិកខាងជើងវិញត្រូវការជាមធ្បម១៥គីឡូក្រាម ខណៈនៅតំបន់អឺរ៉ុបត្រូវការត្រឹមតែ៥គីឡូក្រាមប៉ុណ្ណោះ៕

រោងចក្រថាមពលបន្ទះសូឡាធំបំផុតលើកដំបូងរបស់ស៊ីលីចាប់ផ្តើមប្រតិបត្តិការ

v2

ស៊ីលី៖ រោងចក្រថាមពលបន្ទះសូឡាធំបំផុតលើកដំបូងរបស់ប្រទេសស៊ីលីបានចាប់ផ្តើមបើកដំណើរការហើយកាលពីម្សិលមិញ។


រោងចក្រថាមពលបន្ទះសូឡា ដែលមានឈ្មោះថា Quilapilun នេះ មានសមត្ថភាពផ្តល់ថាមពលទៅឲ្យផ្ទះប្រមាណ១១ម៉ឺនក្នុងមួយឆ្នាំ។


រោងចក្រនេះមានទីតាំងស្ថិតនៅក្នុងតំបន់ Colina ដែលមានចម្ងាយប្រហែល៤០គីឡូម៉ែត្រពីទីក្រុងសាន់ត្យាហ្គោ ហើយត្រូវបានបំពាក់ដោយបន្ទះសូឡាចំនួន៣៥០.០០០បន្ទះ។


រោងចក្រថាមពលនេះផងដែរគ្រប់គ្រងដោយក្រុមហ៊ុនថាមពល Atlas Renewable Energy ហើយគេរំពឹងថា វានឹងជួយកាត់បន្ថយការបំភាយកាបូនឌីអុកស៊ីតបានជាង១០០.០០០តោនក្នុងមួយឆ្នាំ។


លោក Andres Rebolledo រដ្ឋមន្ត្រីក្រសួងថាមពលស៊ីលីបានត្រៀមខ្លួនរួចហើយក្នុងការជួយទំនប់បម្រុងនិងបានលើកសរសើរយ៉ាងខ្លាំងដល់ការចាប់ផ្តើមដំណើរការរោងចក្រនេះ។


លោកបានបញ្ជាក់ថា ការដំឡើងបន្ទះសូឡានៅក្នុងប្រទេសស៊ីលី គឺស្មើពីភាគបីទៅហើយនៃបន្ទះសូឡាដែលត្រូវបានដំឡើងនៅក្នុងតំបន់អាមេរិកឡាទីនទាំងមូល៕

Jack Ma ប្រកាស់ថា លោកនឹងពិចារណាបោះទុនវិនិយោគនៅកេនយ៉ា

v1

កេនយ៉ា៖ លោក Jack Ma ប្រធានប្រតិបត្តិក្រុមហ៊ុន Alibaba បានប្រកាសថា ក្រុមហ៊ុនរបស់លោកនឹងពិចារណាបោះទុនវិនិយោគរួមគ្នាជាមួយវិនិយោគិនកេនយ៉ា ក្រោយពេលមើលឃើញឱកាសដ៏ប្រសើរនៅក្នុងប្រទេសនេះ។


ប្រធានប្រតិបត្តិក្រុមហ៊ុន Alibaba ដ៏ល្បីល្បាញរូបនេះបានប្រកាសយ៉ាងដូច្នេះកាលពីម្សិលមិញ បន្ទាប់ពីជួបពិភាក្សាជាមួយសហគ្រិនវ័យក្មេង និងបន្ទាប់ពីមើលឃើញថាប្រព័ន្ធហេដ្ឋារចនាសម្ព័ន្ធនៅក្នុងប្រទេសកេនយ៉ាមានការរីកចម្រើនយ៉ាងឆាប់រហ័ស។


លោក Jack Ma ស្ថាបនិកក្រុមហ៊ុនលក់ផលិតផលតាមអនឡាញដែលមានមូលដ្ឋាននៅក្នុងទីក្រុង Hangzhou នេះ បានលើកឡើងថា លោកនឹងប្រកាសឲ្យបានជាក់លាក់ពាក់ព័ន្ធនឹងការវិនិយោគនេះនៅពេលក្រោយ ហើយថា សហគ្រិនជនជាតិចិនរាប់សិបនាក់ដែលអមដំណើរលោក ក៏មានចិត្តចង់បើកក្រុមហ៊ុននៅក្នុងប្រទេសកេនយ៉ាដែរ បន្ទាប់ពីមើលឃើញសក្កានុពលដ៏ខ្លាំងនៅក្នុងប្រទេសនេះ។


មុនមានការប្រកាសពីបំណងបោះទុន លោក Jack Ma បានជួបពិភាក្សាជាមួយប្រធានាធិបតីកេនយ៉ា លោក Uhuru Kenyatta ដើម្បីពិភាក្សាគ្នាលើបញ្ហា ថា តើត្រូវលើកកម្ពស់យុវជនតាមរយៈពាណិជ្ចកម្ម និង ការបង្កើតថ្មីដោយរបៀបណា។


លោក Jack Ma ដែលអមដំណើរដោយសមាជិកសភាពាណិជ្ជកម្មចិនចំនួន៣៨រូប បានលើកសរសើរដល់តំបន់អាហ្វ្រិកដែលនៅមានឱកាសធ្វើអាជីវកម្មច្រើន ដោយលើកឡើងថា ទ្វីបនេះអាចធ្វើការអភិវឌ្ឍបានយ៉ាងល្អប្រសើរ ដោយមិនចាំបាច់ដើរតាមដានចាស់របស់ប្រទេសផ្សេងៗទៀតក៏បានដែរ។


សូមបញ្ជាក់ថា លោក Jack Ma និង សមាជិកសភាចិនបានទៅបំពេញទស្សនកិច្ចនៅក្នុងប្រទេសកេនយ៉ា គឺដើម្បីសិក្សារកាឱកាសបោះទុកវិនិយោគក្នុងទំហំទឹកប្រាក់រាប់ពាន់លានដុល្លារ៕

ឧត្តមសេនីយ៍យោធាថៃត្រូវបានផ្តន្ទាទោសឲ្យជាប់ពន្ធនាគារ២៧ឆ្នាំពីបទជួញដូរមនុស្ស

v8

ក្រុងបាងកក៖ ឧត្តមសេនីយ៍យោធាថៃមួយរូបត្រូវបានផ្តន្ទាទោសឲ្យជាប់ពន្ធនាគាររយៈពេល២៧ឆ្នាំពីបទជួញដូរមនុស្ស អំឡុងសវនាការទ្រង់ទ្រាយធំបំផុតមិនធ្លាប់មាននៅក្នុងប្រទេសថៃ។


លោក Manas Kongpan ស្ថិតក្នុងចំណោមមនុស្សជាង៦០នាក់ទៀតដែលត្រូវបានផ្តន្ទាទោសកាលពីម្សិលមិញនៅក្នុងតុលាការក្រុងបាងកកពីបទជួញដូរជនជាតិបង់ក្លាដែស និងជនជាតិភាគតិចមូស្លីមរ៉ូហីងយ៉ា ជាជនជាតិភាគតិចភៀសខ្លួនចេញពីប្រទេសមីយ៉ាន់ម៉ា។


អតីតមន្ត្រីកំពូលម្នាក់ទៀត ឈ្មោះ Ko-Tong ប្រធានរដ្ឋបាលសាលាខេត្ត Satun ត្រូវបានផ្តន្ទាទោសឲ្យជាប់ពន្ធនាគាររយៈ ពេល៧៥ឆ្នាំ ស្របពេលចុងចោទចំនួន១០៣នាក់ត្រូវបាននាំយកមកបើកសវនាការ។


ការចាប់ខ្លួនឧត្តមសេនីយ៍ Manas Kongpan កាលពីខែមិថុនាឆ្នាំ ២០១៥ គឺជាផ្នែកនៃការខិតខំប្រឹងប្រែងរបស់ប្រទេសថៃក្នុងការបិទផ្លូវជួញដូរមនុស្សឆ្លងកាត់ប្រទេសរបស់ខ្លួន។ ជនជាតិភាគតិចរ៉ូហីងយ៉ាបាននិងកំពុងភៀសខ្លួនចេញពីប្រទេសមីយ៉ាន់ម៉ាជាច្រើនឆ្នាំមកហើយ ដោយបង់ប្រាក់ទៅឲ្យក្រុមជួញដូរមនុស្សដើម្បីឲ្យជួយពួកគេក្នុងការរត់គេច។


ចុងចោទមួយចំនួនផ្សេងទៀតក៏ត្រូវបានផ្តន្ទាទោសឲ្យជាប់ពន្ធនាគារក្នុងរយៈពេលដ៏យូរផងដែរ ក្នុងនោះមានអ្នកខ្លះបានជាប់ពន្ធនាគាររហូតដល់៩៤ឆ្នាំក៏មានដែរ។


កាលពីឆ្នាំ ២០០៩ លោក Manas Kongpan បានលើកឡើថា ប្រទេសថៃចាត់ទុកជនអន្តោប្រវេសន៍ដូចពលរដ្ឋថៃដែរ បន្ទាប់ពីមានការចោទប្រកាន់ថា លោកបានចេញបទបញ្ជាឲ្យយកទូកគ្មានម៉ាស៊ីនដឹកជនជាតិរ៉ូហីងយ៉ាងទៅបណ្តែតចោលឲ្យរសាត់អណ្តែតលើផ្ទៃសមុទ្រ។


លោកនាយករដ្ឋមន្ត្រី Prayuth Chan-ocha បានទទូចសុំឲ្យសាធារណជនកុំទម្លាក់កំហុសលើយោធាថៃពាក់ព័ន្ធការជូញដូរមនុស្សនេះ ដោយលោកលើកឡើងថា កុំម៉ៃទៅលើទាហានទាំងអស់ដោយសារតែបុគ្គលម្នាក់។


ស្របពេលដំណាលគ្នានេះ សកម្មជនសិទ្ធិមនុស្សក៏បានលើកសរសើរដល់តុលាការថៃផងដែរ ដោយលើកឡើងថា រដ្ឋាភិបាលមានការយកចិត្តទុកដាក់ខ្លាំងក្នុងការផ្តន្ទាទោសជនប្រព្រឹត្តបទល្មើសឬបទឧក្រិដ្ឋ ប៉ុន្តែក្រុមគ្រួសាររបស់ចុងចោទមិនពេញចិត្តនោះឡើយ។


ការបើកសវនការទ្រង់ទ្រាយធំនេះ បានចាប់ផ្តើមកាលពីឆ្នាំ២០១៥ បន្ទាប់ពីប្រទេសថៃចាត់វិធានការបង្ក្រាបក្រុមជួញដូរមនុស្ស ក្រោយពេលរកឃើញផ្នូកប់់សពជាច្រើននៅក្បែរព្រំដែនថៃ-ម៉ាឡេស៊ី៕

ព្យុះភ្លៀងដ៏ជោគជាំវាយប្រហារក្រុងមួយនៅភាគឥសានប្រទេសចិនម្តងទៀត

v2

ចិន៖ នៅព្រឹកថ្ងៃព្រហស្បតិ៍នេះព្យុះភ្លៀងដ៏ជោគជាំបានវាយប្រហារក្រុង Yongji ក្នុងខេត្ត Jilin ភាគឥសានប្រទេសចិនម្តងទៀត ដោយបង្កឲ្យកើតមានទឹកជំនន់យ៉ាងខ្លាំងសាជាថ្មី។


មន្ទីរឧតុនិយមក្រុង Yongji បានចេញសេចក្តីប្រកាសឲ្យមានការប្រុងប្រយ័ត្នមុនពេលទៀបភ្លឺ នៅក្នុងកម្រិតប្រកាសអាសន្នខ្ពស់បំផុតក្នុងប្រព័ន្ធប្រកាសអាសន្នដែលមានបួនកម្រិតរបស់ប្រទេសចិន។


គិតត្រឹមម៉ោង៦ព្រឹកមិញ ក្នុងតំបន់ទំនាបមូយចំនួន ផ្ទះខ្លះបានលិចដល់ជាន់ទីមួយបាត់ទៅហើយ រីឯចរន្តអគ្គិសនីនិងប្រព័ន្ធទឹកស្អាតក៏ត្រូវបានកាត់ផ្តាច់ដែរនៅតំបន់ខ្លះក្នុងក្រុង Yongji នេះ។


ភ្លៀងធ្លាក់ដ៏ជោគជាំនេះ ក៏បានធ្វើឲ្យតំបន់ភាគកណ្តាលនៃទីក្រុងនេះរងការជន់ក្នុងកម្រិតទឹកភ្លៀងកម្ពស់ចាប់ពី៤០ ទៅ៦០មីល្លីម៉ែត្រផងដែរនៅក្នុងថ្ងៃព្រហស្បតិ៍ដដែលនេះ។


ទឹកជំនន់លើកនេះ គឺជាទឹកជំនន់លើកទីពីរហើយដែលក្រុង Yongji បានជួបប្រទះក្នុងរយៈពេល៧ថ្ងៃកន្លងមកនេះ។ ទឹកជំនន់លើកទីមួយកើតមានឡើងបន្ទាប់ពីមានព្យុះភ្លៀងកាលពីថ្ងៃទី១៣ ដោយធ្វើឲ្យប៉ះពាល់ប្រជាពលរដ្ឋប្រហែល២៦ម៉ឺននាក់ និងធ្វើឲ្យផ្ទះប្រមាណ៧.៥០០ខ្នងបានរងការខូចខាត៕

កាមេរូនធ្វើទារុណកម្មជនសង្ស័យនៅមូលដ្ឋានប្រើប្រាស់ដោយទាហានអាមេរិកនិងបារាំង

v1

កាមេរូន៖ អង្គការលើកលែងទោសអន្តរជាតិបង្ហាញភស្តុតាងបញ្ជាក់ពីសកម្មភាពកងកម្លាំងកាមេរូនធ្វើទារុណកម្មលើជនសង្ស័យដែលមានជាប់ពាក់ព័ន្ធនឹងក្រុម Boko Haram ក្នុងនោះការធ្វើទារុណកម្មភាគច្រើនកើតឡើងនៅមូលដ្ឋានប្រើប្រាស់ដោយកងទ័ពសហរដ្ឋអាមេរិកនិងបារាំង។


លោក Stephen Cockburn អនុប្រធានអង្គការលើកលែងទោសអន្តរជាតិប្រចាំតំបន់អាហ្រ្វិកកណ្តាលនិងអាហ្វ្រិកខាងលិច បានលើកឡើងថា នេះមិនមែនជារបាយការណ៍លើកដំបូងទេដែលអង្គការរបស់លោកបានរកឃើញថា មានកន្លែងឃុំឃាំងសម្ងាត់ និងការធ្វើទារុណកម្មនៅភាគខាងជើងប្រទេសកាមេរូន។


លោក Stephen Cockburn បានលើកឡើងបន្តថា អង្គការរបស់លោករកឃើញថា មានការធ្វើទារុណកម្មនៅកន្លែងឃុំឃាំងចំនួនពីរ គ្រប់គ្រងដោយអង្គភាពអន្តរាគមន៍រហ័សនៅក្នុងតំបន់ Fotokol និងតំបន់ Salak ដែលឃ្លាំមើលជាប់ជានិច្ចដោយមន្ត្រីជាន់ខ្ពស់ក្នុងជួរយោធាកាមេរូន។


នៅក្នុងតំបន់ Salak គេឃើញថា ការធ្វើទារុណកម្មកើតឡើងក្បែរកងកម្លាំងសហរដ្ឋអាមេរិកនិងបារាំង ដែលមន្ត្រីអង្គការលើកលែងទោសអន្តរជាតិបានតាមតាំងពីឆ្នាំ២០១៥មក ក្នុងនោះគេក៏បានឃើញមន្ត្រីយោធាសហរដ្ឋអាមេរិកមានវត្តមានជាប្រចាំនៅទីតាំងមួយចំនួនក្នុងមូលដ្ឋាននោះផងដែរ។


ប៉ុន្តែលោកស្រី Robyn Mack អ្នកនាំពាក្យយោធាអាមេរិកប្រចាំតំបន់អាហ្វ្រិកបានលើកឡើងថា រហូតមកទល់ពេលនេះ ទីបញ្ជាការដ្ឋានយោធាអាមេរិកប្រចាំតំបន់អាហ្វ្រិកនៅមិនទាន់ទទួលបានព័ត៌មានណាមួយស្តីពីការរំលោភបំពានសិទ្ធិមនុស្សដោយកងម្លាំងកាមេរូននៅឡើយទេ ហើយថារាល់អង្គភាពយោធាបរទេសទាំងអស់សុទ្ធតែទទួលបានការហ្វឹកហាត់ដោយអនុលោមតាមច្បាប់សិទ្ធិមនុស្ស។


ចំណែកឯលោក Didier Badjek អ្នកនាំពាក្យយោធាការមេរូនបាននិយាយថា កងកម្លាំងកាមេរូនប្រយុទ្ធប្រឆាំងនឹងក្រុម Boko Haram នៅក្នុងសង្គ្រាមដ៏ស្អាតស្អំ ដែលពោពេញទៅដោយការគោរពសិទ្ធិមនុស្ស។


អង្គការលែងទោសអន្តរជាតិបានបញ្ជាក់ថា អ្វីៗដែលខ្លួនអះអាងនៅក្នុងរបាយការណ៍ គឺផ្អែកលើការសិក្សាស្រាវជ្រាវ សក្ខីកម្ម វីដេអូ រូបភាព និងទិន្នន័យពីផ្កាយរណប ដែលមានការវិភាគយ៉ាងត្រឹមត្រូវ៕

តុលាការថៃចាប់ផ្តើមចេញសាលក្រមសម្រាប់សវនាការធំបំផុតពាក់ព័ន្ធការជួញដូរមនុស្ស

ក្រុងបាងកក៖ តុលាកាថៃចាប់ផ្តើមចេញសាលក្រមសម្រាប់សវនាការធំបំផុតពាក់ព័ន្ធការជួញដូរមនុស្សក្នុងថ្ងៃពុធនេះ នៅចំពោះមុខចុងចោទរាប់សិបនាក់ ក្នុងនោះរួមទាំងឧត្តមសេនីយោធាម្នាក់ ដែលរងការចោទប្រកាន់ថា ជួញដូរមនុស្សនៅតាមព្រំដែនថៃ-ម៉ាឡេស៊ីផងដែរ។


ការបើកសវនាការធំបំផុតពាក់ព័ន្ធការជូញដូរមនុស្សនេះ មានចុងចោទចំនួន១០៣នាក់ជាប់ពាក់ព័ន្ធ ក្នុងនោះមានរាប់ចាប់ពីជនជាតិមីយ៉ាន់ម៉ារហូតដល់មន្ត្រីនគរបាលថៃ និងអ្នកនយោបាយក្នុងស្រុក។

h43
ដំណើរការនីតិវិធីនៅក្នុងការចេញសាលក្រមមានការអូសបន្លាយពេលនៅក្នុងប្រទេសថៃ ហើយអាចចំណាយពេលរហូតដល់រាប់ម៉ោង មុនពេលចៅក្រមបង្ហាញសេចក្តីលម្អិតនៃសាលក្រមនៅក្នុងតុលាកាក្រុងបាងកក។
សវនាការធំបំផុតនេះ បានចាប់ផ្តើមនៅក្នុងឆ្នាំ២០១៥ បន្តាប់ពីរដ្ឋាភិបាលថៃចាត់វិធានការបង្រាបក្រុមជួញដូរមនុស្ស ក្រោយពេលមានការរកឃើញផ្នូកប់សពមនុស្សយ៉ាងច្រើនក្បែរព្រំដែនថៃ-ម៉ាឡេស៊ី ជាតំបន់ដែលអាជ្ញាធរថៃលើកឡើងថា ជាផ្នែកនៃជំរុំក្នុងព្រៃ។


អាជ្ញាថៃបានបញ្ជាក់ថា ជំរុំក្នុងព្រៃនេះ គឺជាកន្លែងដែលក្រុមជួញដូរមនុស្សប្រើប្រាស់ដើម្បីឃុំឃាំងជនអន្តោប្រវេសន៍ទុកសម្រាប់ទាមទារប្រាក់ពីសមាជិកគ្រួសាររបស់ពួកគេ។


ព្រះរាជអាជ្ញាថៃ បានប្រាប់ទីភ្នាក់ងារព័ត៌មានរ៉យទ័រថា សវនាការដ៏ធំបំផុតនេះ គឺជាសវនាការធ្វើឡើងដើម្បីក្រើនរំឮកដល់ពលរដ្ឋថា ប្រទេសថៃមិនអត់ឱនឲ្យក្រុមជួញដូរមនុស្សឡើយ។


ទោះជាយ៉ាងណា អង្គការសិទ្ធិមនុស្សលើកឡើងថា ការចាប់ខ្លួនកាលពីឆ្នាំ២០១៥ គឺគ្រាន់តែជាផ្នែកតូចមួយដែលធ្វើឡើងដោយគ្មានការស៊ើបអង្កេតច្បាស់លាស់ប៉ុណ្ណោះ ហើយថា បណ្តាញជួញដូរមនុស្សក្នុងតំបន់នៅតែបន្តប្រតិបត្តិការដោយរួចផុតពីការផ្តន្ទាទោស៕

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

ព័ត៌មានជាតិ​ពេល​យប់​


អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2